बेमेतरा : साजा कोति नरवा योजना के तहत होवत हे भू जल स्तर म बढ़ोतरी

बेमेतरा, छत्तीसगढ़ सासन के फ्लेगसिप योजना नरवा, गरुवा, घुरुवा, बाड़ी के अंतर्गत पूरा राज्य म डीपीआर तियार करके कई प्रकार के काम कराए जात हे। जेमां प्रमुख रुप ले मवेसी मन के प्रबंधन बर गोठान निर्माण के काम के अलावा नरवा के अंतर्गत कई ठन नाला मन के सर्वेक्षण करके पानी संरक्षित करे अऊ भूजल स्तर म बढ़ोतरी के काम करवाए जात हे । बेमेतरा जिला म घलोक नरवा प्रोजेक्ट के अंतर्गत कई ठन नाला मन के चयन करके अइसन काम कराए जात हे, जेखर से के नरवा के उमर म बढ़ोतरी होवत हे।
कलेक्टर अउ मुख्य कार्यपालन अधिकारी जिला पंचायत बेमेतरा के अगुवाई म सरलग ए काम मन म प्रगति के प्रयास करे जात हे नरवा प्रोजेक्ट के अंतर्गत ग्राम पंचायत केसतरा म संपादित काम एकर एक प्रबल उदाहरण हे जिहां बने चेक डैम ले नाला म पानी संरक्षित करे गए हे संरक्षित जल ले किसान मन सिंचाई करत हे संगेच सकलाए पानी ले मछुआरा मन ल घलोक रोजगार मिले हे अउर आर्थिक रूप ले उमन ससक्त होवत हें।