नारायणपुर : बोरपाल, गरांजी अउ एड़का के गौठान म बाड़ी विकास योजना बनिस कमाई के जरिया

समूह के महिला मन साग सब्जी बेच के आर्थिक रूप ले होवत हे मजबूत
नारायणपुर, 27 जुलाई 2023 
जिला मे संचालित गौठान मन मे महिला स्व सहायता समूह के महिला मन साग सब्जी के खेती कर के आर्थिक रूप ले समृद्ध होवत हे। जिला के बोरपाल, गरांज़ी अउ एड़का के गौठान ल विकसित करत हुए जिला प्रशासन के सहयोग ले गांव के महिला मन ल आर्थिक रूप ले समृद्ध बनाय जाथ हे। गौठान म पर्याप्त जघा मिले ले स्व सहायता समूह ले महिला मन उद्यान विभाग के मार्गदर्शन म साग सब्जी के खेती करे म रूचि लेवत हे, जेकर से उमन ल आर्थिक लाभ कमाय म सहयोग मिलत हे।

राज्य के ग्रामीण अंचल के महिला मन स्व सहायता समूह ले जुड़ के सामाजिक अउ आर्थिक उत्थान के मिसाल कायम करत हे। नारायणपुर जिला के ग्राम पंचायत कोचवाही के महिला स्व सहायता समूह के संग संग गोठान ग्राम बोरपाल, गरांजी, एडका के महिला समूह ह रूचि लेके शासन के महत्वाकाक्षी योजना नरूवा, घूरूवा गरुवा अउ बाड़ी योजनांतर्गत ग्राम के गौठान म लगभग एक एकड़ भुइयां म बाडी विकास के बुता करत हे। उद्यानिकी विभाग के तकनीकी सहयोग ले महिला मन ह गौठान के भुइयां म भाटा, रमकेलिया, करेला, पताल अउ आने दूसर फसल के रोपण करे हे। गौठान म मिले रोजगार के अवसर ह समूह के महिला मन ब आय के साधन बनिस हे। एकर ब समूह के सदस्य मन ह शासन-प्रशासन के आभार व्यक्त करत हे।
Success story
Neha Rathore