मुख्यमंत्री साय के सुशासन म एके परिवार ल मिलत हे कई ठन योजना मन के लाभ
नारायणपुर, 22 जुलाई 2024। मुख्यमंत्री श्री विष्णुदेव साय के सुशासन के सरकार अऊ संवेदनशील सरकार ह आवासहीन परिवार मन ल पक्की छत देहे बर बाना उंचाए हे। ये योजना न केवल मनखे मन के जीवन स्तर ल ऊपर उठाए म सहायक हे, बल्कि ओ मन ल एक सुरक्षित अऊ स्थिर आवास घलोक प्रदान करत हे। मोदी के गारंटी अऊ विष्णु के सुशासन म गरीब परिवार मन ल ओखर खुद के पक्का मकान मिलत हे। छत्तीसगढ़ सरकार के इही पहल ले नारायणपुर जिला के ग्राम पंचायत टीमनार निवासी सियाबती पिता मानकू के पक्का मकान बनाए के सपना साकार होय हे। सियाबती ह बताइस के प्रधानमंत्री आवास योजना वोखर बर वरदान साबित होए हे। वो ह जुन्ना समे के कठिनाइ मन ल सुरता करत बताइस के पहिली कच्चा कुरिया म रहइ अड़बड़ तकलीफ दायक रहिस। मौसम के मुताबिक कई ठन परेशानी मन के सामना करना परत रहिस, कभू छत टपकय त कभू जाड़ के मार रात भर नींद पूरा नइ होत रहिस। अब पक्का मकान मिले ले वोखर ये समस्या दूर हो गए हे। प्रधानमंत्री आवास पूरा होए ले हितग्राही बहुत खुश हे अउ अपन नवा घर म रहत हे।
हितग्राही अब स्वच्छ भारत मिशन अंतर्गत शौचालय अउ उज्वला योजना अंतर्गत गैस कनेक्शन ले तको लाभान्वित हे। सियाबती ह जनकल्याणकारी योजना मन के क्रियान्वयन अऊ लाभ पहुंचाने के देश के यशस्वी प्रधानमंत्री श्री नरेंद्र मोदी अऊ प्रदेश के मुख्यमंत्री श्री विष्णु देव साय के आभार व्यक्त करे हें।
