नारायणपुर : किसान मानूराम धान बेचके अपन खेती के बढ़ोतरी खातिर करही उपयोग

नारायणपुर, पूरा छत्तीसगढ़ संग नारायणपुर जिला म 14 नवंबर ले खरीफ विपणन साल 2024-25 बर समर्थन मूल्य म धान खरीदी के शुरुआत हो गए हे। जिला म अभी हाल म 17 उपार्जन केंद्र के माध्यम ले धान के ख़रीदी होवत हे।
धान बेचे आए किसान मानूराम ह बताइस के ओखर 03 एकड़ खेत हे अऊ वो ह धान खरीदी केन्द्र माहका म 50 क्विंटल धान बेचे हे। मानूराम के परिवार म 6 सदस्य हे, जेमां वोखर पत्नी, एक बेटा अऊ तीन बेटी हे। वो ह धान के खेती म 02 बोरा डीएफई अऊ 02 बोरा युरिया के उपयोग करे रहिस हे। ओखर कहना हे कि ए पइत समर्थन मूल्य म धान बेचे के प्रक्रिया पहिली ले जादा सुगम अऊ पारदर्शी ढ़ंग ले चलत हे। ऑनलाइन टोकन प्रणाली के सेती अब ओ मन ल लंबा समय तक इंतजार नइ करना परिस। वो ह बताइस के केन्द्र म बने व्यवस्था अऊ अधिकारी मन के सहयोग देखके खुशी होइस। अब हमला बिचौलिया मन उपर निर्भर नइ रहना परत हे। वो ह कर्मचारी मन के सहयोग ल सहराइस। धान बेचे के दू दिन दिवस के भीतर किसान मन के खाता म राशि अंतरित करे जात हे, ये पहल किसान मन बर बड़ राहत हे अऊ हमला समय म हमर भुगतान मिलत हे।
किसान मानूराम ह बाइस के ए पइत समर्थन मूल्य म खरीदी बर मंडी म लंबा लाइन ले बचे बर पहिली ले स्लॉट बुकिंग के व्यवस्था करे गए हे। मुख्यमंत्री श्री विष्णुदेव साय के कुशल नेतृत्व म 21 क्विंटल प्रति एकड़ के मान ले धान खरीदी होवत हे अऊ समर्थन मूल्य घलोक 3100 रूपिया हे जेन हम किसान मन के मेहनत के वाजिब कीमत हे। वोकर कहना हे के कृषि विभाग के ये प्रयास सराहनीय हे। एखर से हमर मेहनत के सही दाम मिलत हे। किसान मानूराम ह मुख्यमंत्री श्री विष्णुदेव साय अऊ जिला प्रशासन के संग करे गये व्यवस्था मन के प्रशंसा करिस अऊ उम्मीद जताईस के अइसन सुविधा भविष्य म घलोक जारी रइही। किसान मानूराम ह बताइस के धान बेचके वो ए राशि ले अपन खेत के मरम्मत करके आगू के फसल लेंही अऊ अपन परिवारिक काम मन म उपयोग करही।