किसान सियाराम हवय मगन, धान बेचके मिलीस मुनाफा

नारायणपुर, जिला म धान खरीदी के काम सरलग हे। जिला के सबो 17 धान खरीदी केंद्र मन म किसान मन ल धान बेचे बर सबो प्रकार के सुविधा उपलब्‍ध कराए गए हे। किसान मन ल धान बेचे म कोनो दिक्‍कत नइ होवत हे अऊ ओ मन ल समय म धान के पइसा के भुगतान घलोक करे जात हे।
जिला के किसान सियाराम दुग्गा ह अपन 5 एकड़ खेत ले उपजे 96 क्विंटल धान ल बिंजली धान खरीदी केंद्र म बेचे हे। सियाराम ह बताइस के ए पइत धान बेचे के प्रक्रिया पहिली ले जादा सुगम अऊ पारदर्शी हे। ऑनलाइन टोकन प्रणाली के सेती ओ मन ल लंबा समय तक अगोरा नइ करना परे हे। वो ह बताइस के खरीदी केंद्र म बनेच व्यवस्था अऊ अधिकारी मन के सहयोग देखके ओ ल बहुत खुशी होइस।
सियाराम ह बताइस के धान बेचे के दू दिन के भीतर ही वोखर खाता म पइसा आ गे हे। वो ह कहिस के ये पहल किसान मन बर बड़ राहत के हे अऊ ओ मन ल समय म अपन भुगतान मिलत हे।
सियाराम ह कहिस के मुख्यमंत्री श्री विष्णुदेव साय के सुग्‍घर अगुवइ म 21 क्विंटल प्रति एकड़ के मान ले धान खरीदी करे जात हे अऊ समर्थन मूल्य घलोक 3100 रुपये हे जेन हम किसान मन बर बड़ राहत के बात हे। वो ह कहि के कृषि विभाग के ये उदीम सहराए के लइक हे एखर से हमर मेहनत के सही दाम मिलत हे। धान बेचके मिलइया पइसा  ले सियाराम गर्मी के फसल लगाही अऊ खेती-बाड़ी के संगें-संग परिवारिक काम मन म घलोक उपयोग करही।