नारायणपुर, 07 अकटूबर, 2020। मुख्यमंत्री श्री भूपेश बघेल के कुपोषण मुक्ति के पहल म छत्तीसगढ़ म 2 अकटूबर 2019 ले शुरू होए मुख्यमंत्री सुपोषण अभियान के 1 साल पूरा हो गए हे। ये अभियान के सकारात्मक परिणाम आगू आये हे। नारायणपुर जिला के पूरा क्षेत्र म कुपोषण अऊ एनीमिया ल जड़ ले खतम करे कार्ययोजना बनाके काम करे जात हे। ये कार्यकम म जिला प्रशासन अऊ महिला अऊ बाल विकास विभाग के अधिकारी-कर्मचारी महत्वपूर्ण भूमिका निभावत हें।
महिला अऊ बाल विकास अधिकारी श्री रविकांत धु्रवे के बताती मुख्यमंत्री सुपोषण अभियान के शुभांरभ नारायणपुर जिला म 2 अकटूबर 2019 ल आंगनबाड़ी केन्द्र गोहड़ा (बेनूर) ले करे गए रहिस। अभियान के उद्देश्य लइका मन म कुपोषण ल कम करे अऊ महिला, किशोरी बालिका मन म एनिमिया ल कम करे बर लक्ष्य निरधारित करे गए रहिस। मुख्यमंत्री सुपोषण अभियान म कुपोषण ल कम करे के लक्ष्य ल प्राप्त करे बर कई प्रकार के गतिविधि आयोजित करे गीस। सबो हितग्राही मन ल गर्म भोजन के बाद हरेक मंगलवार अऊ सुकरवार के अण्डा अऊ मुंगफली चिक्की खवाए गीस। आंगनबाड़ी कार्यकर्ता अऊ स्वास्थ्य कार्यकर्ता मन सरलग रूप ले गृह भेंट करके व्यक्तिगत साफ-सफाई, स्वास्थ्य जांच, कृमि नाशक दवा खवाए गीस। आंगनबाड़ी केन्द्र मन म मिलइया पूरक पोषण रेडी टू ईट ल 6 दिन म खवाए के समझाईश दे गीस। खान-पान म विशेष ध्यान दे गीस। जेमां रोटी हरी सब्जी अऊ मुनगा भाजी नियमित रूप ले लइका मन ल खाए के सलाह आंगनबाडी कार्यकर्ता मन लइका मन के माता-पिता ल दीन। जेखर परिणामस्वरूप मुख्यमंत्री सुपोषण अभियान म नारायणपुर जिला के 1258 लइका कुपोषण मुक्त होए हें अऊ कुपोषण के दर म गिरावट आए हे। जिला म पहिली कुपोषण के दर 31.70 प्रतिशत रहिस जेमां 12.22 प्रतिशत के गिरावट दर्ज करे गए हे।