योजना ले गांव के हर घर पहुंचत हे शुद्ध पेयजल
नारायणपुर, 01 अगस्त 2024। जिला म जल जीवन मिशन योजना के तहत् अब दूर दराज के गांव मन म मनखे मन ल पीए बर साफ पानी ऊंखर घर तक नल कनेक्शन देके पहुंचाए जात हे। योजना के तहत् हितग्राही श्रीमति संत्रीनबाई कोर्राम, पति जुगदर कोर्राम जिला के विकासखण्ड नारायणपुर ले 18 किलोमीटर दूरिहा गांव रेमावण्ड के रहवईया ये। उहां सोलर पंप के माध्यम ले घर-घर नल ले शुद्ध पेयजल के पूर्ति करे जात हे। गांव के जनसंख्या साल 2021 के आधार म लगभग 650 हे जिहां 91 परिवार म नल कनेक्शन लग चुके हे, ए गांव के रहवईया मन के मुख्य व्यवसाय कृषि अउ मजदूरी अऊ वन्य संसाधन मन उपर निर्भर हे। जेमां मुख्य रूप ले धान के फसल लगाए जाथे अऊ इहां के मुख्य बोली गोंडी हे।
हितग्राही श्रीमति संत्रीनबाई कोर्राम ह बताइस के पहिली वोला गली म लगे सार्वजनिक हैण्डपंप ले पानी लाना परय अऊ घर तक पानी ढोके लाय म परेशानी होत रहिस। कई पइत भीड़ होए सेती लाइन म लगना घलोक परय। संगेच बरसात के दिन म परेशानी अऊ बाढ़ जात रहिस। घरेलू काम के सेती मोर लइका मन ल स्कुल आंगनबाड़ी बर देरी हो जात रहिस। घर-घर म नल लग जाय ले समय के बचत होवत हे अऊ काम म जाय अऊ घर के देख भाल म सुविधा होवत हे। वो ह ए योजना ल चालू करे खातिर अऊ घर घर म पानी पहुंचाए खातिर प्रधानमंत्री जी ल धन्यवाद देहे हे।
