- प्रचार वाहन गांव-गांव घुमके कोरोना के बर जागरूकता प्रसार के करही काम
- पहिली दिन सर्वे दल 2541 घर म पहुँचके लीस जानकारी
- कोरोना ल हराए बर डर छोड़के मनखे मन देवत हें सही सही जानकारी
- कोविड-19 संक्रमण के प्रसार श्रृंखला ल तोड़े 12 अक्टूबर तक चलही अभियान
नारायणपुर, 6 अक्टूबर 2020। जिला म कोविड-19 संक्रमण के प्रसार श्रृंखला ल तोड़े बर समुदाय स्तर म कोरोना के लक्षण वाले मरीज मन के तुरते पहिचान बर कोरोना सामुदायिक सर्वे अभियान 5 अक्टूबर ले जिला के दुनों विकासखण्ड नारायणपुर अऊ ओरछा म शुरू हो गए हे। सर्वेक्षण दल ह हरेक घर मन म दस्तक देके मनखे मन ले जानकारी सकेल के लक्षणात्मक मरीज मन के जांच करे जात हे। ये अभियान म क्षेत्र के मितानिन, आंगनबाड़ी कार्यकर्ता-सहायिका, स्वास्थ्य कार्यकर्ता, पंचायत सचिव अऊ रोजगार सहायक सामिल हे। ये शहरी अऊ ग्रामीण क्षेत्र के सबो घर म जाके परिवार के शत-प्रतिशत सर्वे के काम करत हें अऊ कोविड-19 ले संक्रमित मरीज मन के पहिचान करके आईसोलेट अऊ उपचार के कार्यवाही करत हे। जिला म अब तक 2541 घर मन के सर्वे हो गए हे जेमा ले 74 मनखे मन म लक्षण पाए गीस अऊ 367 मनखे जादा जोखिम म पाए गए हे। ये मा ले 15 मनखे के टेस्ट करे गीस, जेमां 1 मनखे पॉजिटिव पाए गीस। जिंकर आइसोलेट करके ईलाज चालू कर दे गए हे। कोरोना ल हराए बर डर छोड़के मनखे सर्वे टीम के सहयोग करत हें अऊ सही जानकारी घलोक देवत हें।
