नारायणपुर : जनप्रतिनिधि अऊ अधिकारी-कर्मचारी मन ह लगाइन एकता दौड़

नारायणपुर, भारत के लौह पुरूष श्री सरदार वल्लभ भाई पटेल के जयंती म आज जिला मुख्यालय म एकता दौड़ के आयोजन करे गीस, जेन ल नगर पालिका अध्यक्ष श्रीमती सुनीता मांझी अऊ कलेक्टर श्री ऋतुराज रघुवंशी ह हरीयर झंडी देखा के रवाना करे गीस। ये दौड़ म क्षेत्र के जनप्रतिनिधि मन संग अधिकारी-कर्मचारी अऊ गणमान्य नागरिक, छात्र-छात्रा मन ह उत्साह के संग भाग लीन। दौड़ हाईस्कूल खेल मैदान ले शुरू होइस, जेन जुन्ना बसस्टैंड, जयस्तंभ चौक, सोरपुर चौक, चांदनी चौक, नगर पालिका होत फेर से खेल मैदान म संपन्न होइस। ये बेरा म नगर पालिका अध्यक्ष श्रीमती सुनीता मांझी ह अधिकारी-कर्मचारी मन ल राष्ट्रीय एकता के शपथ देवाईन।