नारायणपुर, 11 जुलाई 2024। खुद के पक्का घर म निश्चिंत होके कोन नइ रहना चाहय। ये सबो के एक बड़का सपना होथे, जेन ल पूरा करे बर हर मनखे जी जान ले मेहनत करथे। रविन्द्र पाण्डे घलोक पक्का घर के सपना दिल म लेहे जीयत रहिस। पाण्डे के किस्मत रंग लाईस अऊ अब ओला प्रधानमंत्री आवास योजना ले खुद के पक्का घर मिल गए हे। पक्का घर पाके ओ अड़बड़ मगन हे। मुख्यमंत्री श्री विष्णुदेव साय के सुशासन के सरकार अऊ संवेदनशील सरकार ह आवासहीन परिवार ल पक्का छत देहे बर कृतसंकल्पित हे। ये योजना न केवल मनखे मन के जीवन स्तर ल ऊपर उठाए म सहायक हे, बल्कि ओ मन ल एक सुरक्षित अऊ स्थिर घर घलोक प्रदान करत हे। मोदी के गारंटी अऊ विष्णु के सुशासन म गरीब परिवार ल उंखर खुद के पक्का मकान मिलत हे।
छत्तीसगढ़ सरकार के इही पहल ले नारायणपुर जिला के कुम्हारपारा निवासी रवीन्द्र पांडे अउ बड़े भाई काशीराम पाण्डे के पक्का मकान बनाए के सपना साकार होय हे। रवीन्द्र ह बताइस कि प्रधानमंत्री आवास योजना वोखर खातिर वरदान साबित होइस हे। वो ह जुन्ना दिन के कठिनाइ मन ल सुरता करत बताइस के पहिली कच्चा कुरिया म रहना काफी तकलीफदायक रहिस। मौसम के मुताबिक कई ठन परेशानी मन के सामना करना परत रहिस, कभू छत टपकत रहिस त कभू ठंड ले रात भर नींद पूरा नइ होत रहिस। अब पक्का मकान मिले ले वोखर ये समस्या दूर हो गे हे। वोखर परिवार म वोखर बड़े भाई अऊ वोखर नाम ले प्रधानमंत्री आवास योजना (शहरी) के तहत् पक्का मकान बने हे। वो ह बताइस कि वोखर परिवार ल महतारी वंदन योजना के तहत् हर महीना 1 हजार रुपिया, उज्जवला योजना के तहत् गैस कनेक्शन संग ए साल 3100 रुपए समर्थन मूल्य म धान बिक्री होए हे। रवीन्द्र ह जनकल्याणकारी योजना मन के क्रियान्वयन अऊ लाभ पहुंचाए खातिर देश के यशस्वी प्रधानमंत्री श्री नरेंद्र मोदी अऊ प्रदेश के मुख्यमंत्री श्री विष्णु देव साय के आभार व्यक्त करे हे।
