- औजार मन के धार या छोटे मरम्मत ले हो जाथे, जरूरत के कमई
- काम के समय मास्क के उपयोग अऊ हाथ ल करत हे सेनीटराईज
नारायणपुर, 27 जून 2020। अभी हाल के बेरा म खेती-किसानी के आधुनिक कृषि उपकरन मन ह परंपरागत लोहारी के धंधा ल एक प्रकार से मंदा कर देहे हे। खेती किसानी चालू होए ले पहिली लोहार मन तीर पहिली किसान मन के लाईन लगत रहिस। अब गिनती के किसान मन हल, कुल्हाड़ी, फावड़ा अउ गैंती के मरम्मत या धार कराए बर पहुंचथें। कोरोना संक्रमण के मार के सेती पहिलीच ले काम कम हो गए हे। फेर लॉकडाउन म देहे गए छूट अऊ जिला म आर्थिक गतिविधि शुरू होए म अब खुशी आवत हे। ए बिसम परिस्थिति मन म महात्मा गांधी राष्ट्रीय ग्रामीण रोजगार गारंटी योजना (मनरेगा) ह लोहार मन के उम्मीद ल जगा देहे हे। काबर के माटी खोदे के श्रममूलक काम म गैंती, फावड़ा अऊ तसला (धमेला) के जरूरत परथे। पंचमराम लोहारी काम करत समय कोरोना संक्रमण ले बचाव बर पूरा सावधानी बरतत हे। ओ ह काम करत समय मास्क लगाना नइ भूलय। ओ ह अपन पत्नी अऊ लइका मन ल घलोक मास्क पहिराए राखथे। संगेच काम के बाद अपन अऊ परिवार के हाथ ल सेनीटाराईज घलोक करत हे।