नारायणपुर, 25 दिसम्बर 2023। प्रधानमंत्री आवास योजना के संग गरीब, पिछड़ा अऊ महिला मुखिया परिवार बर प्राथमिकता ले आवास उपलब्ध कराए जात हे। नारायणपुर जिला के ग्राम पंचायत टिमनार के निवासी श्रीमती टेटकी यादव प्रधानमंत्री आवास योजना के लाभ उठाके सपरिवार अपन खुद के आवास म हंसी खुशी रहत हे।
श्रीमती टेटकी यादव ह बताइस कि ओ ह खेती किसानी करथे, वोखर आय कम होए के सेती कच्चा मकान म अपन परिवार संग ह रहत रहिस, ओ आवास म बहुत अकन दिक्कत के सामना उमन ल करना परत रहिस। पूरा परिवार के सपना रहिस के एक पक्का घर होतिस। जिहां सपरिवार बिना कोनो परेशानी के रह सकयं। प्रधानमंत्री आवास योजना ऊंखर जीवन म वरदान बनके आईस, जेकर सहायता ले ओखर पक्का आवास बनाए के सपना पूरा हो पाइस। श्रीमती यादव ह बताइस कि बहुत दिन ले ह अपन खुद के मकान बनाए के सोचे रहिस, फेर आर्थिक परेशानी के सेती मकान बनवा नइ पात रहिस। पहिली सीट, खपरैल वाले कच्चा मकान म अपन परिवार के संग वो ह गुजर-बसर करत रहिस। कच्चा मकान म बरसात के दिन म बहुत परेशानी होत रहिस, छप्पर ले टपकत पानी, दीवार म सीलन ले परेशानी के के सामना करना परत रहिस।
श्रीमती यादव ह बताइस कि प्रधानमंत्री आवास योजना के पंजीयन बर जरूरी कागद जमा करे के बाद ओ ल आवास के स्वीकृति मिल गीस। एखर बाद हितग्राही के खाता म आवास निर्माण चालू करे बर राशि के पहिली किश्त जारी करे गीस अउर आवास के निर्माण चालू हो गे। आवास निर्माण के संग ही किश्त के बाकी राशि घलोक खाता म आ गे। आज ओखर आवास पूरा हो चुके हे। वो ह अपन पूरा परिवार के तरफ ले ये योजना बर प्रधानमंत्री श्री नरेंद्र मोदी अऊ छत्तीसगढ़ सरकार के आभार जताए हे।
प्रधानमंत्री आवास योजना ले मिलीस सुंदर आशियाना, नारायणपुर टिमनार के टेटकी के मकान के सपना होइस साकार
