नारायणपुर, महिला स्व-सहायता समूह के दीदी मन के बनाए तिरंगा झंडा अब बाजार म लहराए लगे हे। आजादी के अमृत महोत्सव म हमर तिरंगा अभियान के तहत हर घर झंडा पहुंचाए बर स्व सहायता समूह मन के बनाए झंडा अब बाजार म मिले लगे हे। महिला मन झंडा बेंचे बर शासकीय कार्यालय मन के आगू स्टॉल लगाए गए हे। जिहां सबो नागरिक तिरंगा झंडा बिसा सकत हें। तीन रंग ले रंगे तिरंगा झंडा दीदी मन के स्टॉल के रौनक नहीं भलुक वो जगा ले रेंगईया हर भारतीय नागरिक मन म देश भक्ति के जुजून पैदा करत हे। हमर तिरंगा अभियान ल लेके गांव वाले मन म उछाह हे ओ मन पंचायत के संगे संग घर मन म तिरंगा लगावत हें।
हमर तिरंगा अभियान ल लेके गांव वाले मन म उछाह, घरो-घर म लगावत हें तिरंगा
