मनेंद्रगढ़ : स्लम स्वास्थ्य योजना ले घर बईठे इलाज मिले ले लोगन मन के मुख म आईस मुस्कान

सुप्रिया अपन दू झन लईका मन के इलाज ब पहुँचिस एमएमयू
मनेंद्रगढ़ 13 जुलाई 2023
कलेक्टर श्री नरेंद्र कुमार दुग्गा के निर्देशन अउ मार्गदर्शन म मुख्यमंत्री स्लम स्वास्थ्य योजना के तहत मोबाईल मेडिकल यूनिट के संचालन करे जाथ हे। नगरीय निकाय के गली-मोहल्ला म निःशुल्क स्वास्थ्य शिविर लगा के गरीब अउ जरूरतमंद लोगन मन ल स्वास्थ्य जांच अउ उपचार के सुविधा दिए जाथ हे। एमएमयू म डॉक्टर के टीम ह निःशुल्क चिकित्सकीय परामर्श, लैब टेस्ट अउ दवई के सुविधा देत हे। नगर निगम चिरमिरी म 2 अउ नगर पंचायत मनेंद्रगढ़, खोंगापानी, झगराखंड अउ लेदरी म 2 ठ मोबाइल मेडिकल यूनिट के संचालन करे जाथ हे।
नगर पालिका मनेंद्रगढ़ म गुरुवार के सिविल लाइन मौहारपारा म स्वास्थ्य शिविर लगाय गइस। शिविर म वार्ड क्रमांक 16 निवासी श्रीमती सुप्रिया सोनी अपन 2 झन लईका बलराम अउ कृष्णा के संग इलाज ब पहुँचिस। लईका मन ल सर्दी बुख़ार के शिकायत रहिस हे। श्रीमती सोनी ह बताइस कि एमएमयू म बढ़िया इलाज होइस हे अउ निःशुल्क दवई घलो दिए गईस। हमन ह स्वास्थ्य खराब हो जाए म इलाज ब हर घ ईहां आथन। गरीब घर के लोगन मन जेन मन इलाज ब डॉक्टर के तिर नई जा सकय उमन अपन मोहल्ला म ही एमएमयू म इलाज करवात हे। ओ ह लोक कल्याणकारी योजना के क्रियान्वयन ब मुख्यमंत्री श्री भूपेश बघेल ल धन्यवाद ज्ञापित करिस।
नगर पालिका अधिकारी श्री ईशहाक ख़ान ह लोगन मन ल बताइस कि एमएमयू म जम्मो प्रकार के लैब टेस्ट ब्लड टेस्ट,  बीपी, शुगर, मलेरिया, डेंगू, जईसे अउ आने 41 प्रकार के जाँच के सुविधा निःशुल्क उपलब्ध हे। जादा ले जादा लोगन मन ल जागरूक करव अउ एमएमयू म आए ब प्रोत्साहित करव।
Success story
Neha Rathore