युवा विकसित भारत के निर्माण म सहभागी बनव: प्रधानमत्री श्री नरेन्द्र मोदी

रायपुर, 12 फरवरी 2024। भारत के प्रधानमंत्री श्री नरेन्द्र मोदी ह आज देश के कई ठन राज्य मन के 46 स्थान मन म आयोजित प्रधानमंत्री रोजगार मेला म 1 लाख ले जादा युवा मन ल वर्चुअल रूप ले नियुक्ति पत्र प्रदान करत ओ मन ल बधाई अउ शुभकामना दीन। उमन नौजवान मन ले राष्ट्र निर्माण म सहभागी बने के अपील करिन। उमन कहिन कि भारत सरकार कोती ले नौकरी देहे के अभियान पूरा पारदर्शिता के संग करे जात हे। देश के सबो युवा मन ल अपन योग्यता साबित करे के सामान अवसर मिलत हे।
प्रधानमंत्री श्री नरेन्द्र मोदी ह दिल्ली म कार्मिक भवन के शिलान्यास करके वर्चुअल कार्यक्रम ल संबोधित करत कहिन कि एखर से काम करइया मन के प्रशिक्षण अउ समन्वय म सहायता मिलही। उमन कहिन कि आज युवा कड़क मेहनत अऊ अपन प्रतिभा के दम म अपन जगा बना सकयं एखर बर सकारात्मक कदम उठाए जात हे। उमन कहिन कि नौकरी बर तय करे भर्ती के प्रक्रिया समय सीमा म पूरा करे जात हे। स्टार्टअप योजना लागू होए ले रोजगार के कई ठन अवसर युवा मन ल मिलत हे।
रोजगार मेला म केन्द्रीय रिजर्व पुलिस बल के 04, सीमा सुरक्षा बल के 09, भारत तिब्बत सीमा पुलिस के 01, पोस्टल के 17, रेवेन्यू से.बी.आई.से. के 10, एफसीआई एण्ड पीडी के 04, लेबर (ईपीएफओ) के 05, हिन्दुस्तान कॉपर लिमिटेड के 20 अउ हायर एजुकेशन के 05 चुने गे अभ्यर्थी मन ल नियुक्ति पत्र वितरित करे गीस। ए समारोह म अपर महानिदेशक (भा.पु.ले.) श्री अमित कुमार, पुलिस महानिरीक्षक (भा.पु.ले.) श्री साकेत कुमार सिंह, उप महानिरीक्षक छत्तीसगढ़ सेक्टर केंद्रीय रिजर्व पुलिस बल श्री विजय शंकर पाण्डेय, गु्रप केंद्र रायपुर के कमाण्डेड श्री अजय कुमार सिंह, चुने गे अभ्यर्थी अउ ऊंखर परिवारगण संग केन्द्रीय विभाग मन के अधिकारी अउ कार्मिक उपस्थित रहिन।