दंतेवाड़ा म नक्‍सली मन संग लोहा लेवत हे नारी शक्ति कमांडर सुनैना

दंतेवाड़ा, 08, मार्च 2020। नक्सल ऑपरेशन म जाय ले रोक झन दयँ सोंच के अफसर मन ल कॉन्स्टेबल सुनैना ह नइ बताइस अपन प्रेगनेंसी के बारे म। वोला नक्सल ऑपेरशन के अइसन जुनून के गर्भवती होए के बाद घलव खाँध म भारी एके-47 बंदूक अऊ पीठ म 8-10 किलो के अऊ बोझा ले के निकलथे जंगल म निकलथे।

एएनआई वाले तन्‍मय भाई के बताती छत्तीसगढ़ के दंतेवाड़ा म नक्सली मन ले निपटे बर जिला रिजर्व गार्ड म दंतेश्वरी सेनानी के रूप म तैनात 8 महीना के गर्भवती महिला सुनैना पटेल ह जब कमांडर के रूप म फोर्स ज्वाइन करे रहिस तब वो ह 2 महीना के गर्भवती रहिस। सुनैना के कहती मैं ह अपन कर्तव्य ल निभाए ले कभू इनकार नइ करेंव। आज तको कहूँ मोर से पूछे जाय त में अपन कर्तव्य ल ईमानदारी के संग पहिली निभाहुँ।

ये बारे म दंतेवाड़ा के एसपी अभिषेक पल्लव कथे के सुनैना ल पहिली एक पइत गर्भपात होए रहिस, जब वो गश्त करत रहिस। फेर आज तको वो ड्यूटी देहे म अपन कर्तव्य ले इनकार नइ करय। अपन काम ले सुनैना ह कई महिला मन ल प्रेरित करत हे। जब ले वो ह कमांडर के रूप म कार्यभार संभाले हे, हमार बल म महिला कमांडो के संख्या दुगुना हो गए हे।