प्रधानमंत्री श्री नरेन्द्र मोदी ह स्व-सहायता समूह के महिला मन ले करिन सीधा गोठ-बात

रायपुर, 06 मार्च 2024। प्रधानमंत्री श्री नरेन्द्र मोदी ह स्व-सहायता समूह के महिला मन ले सीधा गोठ-बात ’नारी शक्ति वंदन’ कार्यक्रम म करिन। कार्यक्रम म प्रधानमंत्री श्री नरेन्द्र मोदी अउ छत्तीसगढ़ के कृषि मंत्री श्री रामविचार नेताम वर्चुअली सामिल होइन। मंत्री श्री नेताम ह प्रधानमंत्री श्री नरेन्द्र मोदी कोति ले देश के गरीब, मजदूर, किसान संग महिला मन के सशक्तिकरण बर करे जात उदीम ल सहरावत ओ मन ल धन्यवाद दीन। उमन कहिन कि मुख्यमंत्री श्री विष्णु देव साय के अगुवई म राज्य सरकार प्रधानमंत्री श्री नरेन्द्र मोदी के गारंठी मन ल पूरा करत हे। उमन कहिन कि प्रदेश के गरीब, मजदूर, किसान, युवा, महिला संग सबो वर्ग के विकास बर राज्य सरकार किरिया ख के काम करत हे।
मंत्री श्री नेताम ह कहिन कि देश के महिला मन के आर्थिक-सामाजिक सशक्तिकरण बर केंद्र के प्रधानमंत्री श्री नरेन्द्र मोदी अऊ छत्तीसगढ़ म मुख्यमंत्री श्री विष्णु देव साय के सरकार कइयोन ठन जनकल्याणकारी योजना संचालित करत हे। महिला मन के बढ़ोतरी के संग ऊंखर खातिर रोजगार अउ स्वरोजगार पैदा करे बर हम कमर कसे हन। उमन कहिन कि प्रधानमंत्री श्री नरेन्द्र मोदी ह आज लाखों समूह के महिला मन ले सीधा गोठ-बात करिन। ये ऐतिहासिक पल गौरव के विसय हे। उमन कहिन कि केंद्र सरकार अऊ राज्य सरकार ग्रामीण अऊ शहरी गरीब महिला मन ल अलग-अलग समूह के माध्यम ले ऊंखर तरक्की बर काम करत हे। मंत्री श्री नेताम ह कहिन कि देश के हर गरीब किसान, जवान, बहन, बेटी प्रधानमंत्री श्री नरेन्द्र मोदी ल अपन परिवार मानत हें। ये गौरव के विसय हे। उमन कहिन कि प्रधानमंत्री श्री मोदी जी सबका साथ, सबका विकास, सबका प्रयास के थीम उपर काम करत देश के सरलग विकास करत हे। ए अवसर म कई ठन समूह के महिला मन संग श्री लोकेश कावड़ियां, श्री सुनील कुकरेजा, सीमा साहू अऊ श्री संतोष साहू उपस्थित रहिन।