नरियर पानी बेचके कान्हा निर्मलकर के जीवन म आइस बदलाव

महासमुंद, 17 फरवरी 2021। शासन ह सबो वर्ग के हित बर बहुत अकन जनकल्याणकारी योजना संचालित करत हे। जेकर से ओ मन योजना के लाभ लेके अपन आर्थिक स्थिति ल मजबूत कर सकयं। जिला के हजारों नागरिक मन घलोक कोनो न कोनो प्रकार ले एकर लाभ उठाए म पीछू नइ हें। ओ मन ल जागरूक रहिके दृढ़ संकल्प के संग मेहनत करे के जरूरत हे।
जिला मुख्यालय महामसुन्द के वार्ड नंबर 22, सुभाष नगर के 27 वर्षीय कान्हा निर्मलकर कच्चा नरियर पानी अऊ जूस सेंटर के व्यवसाय करइया एक सामान्‍य व्यवसायी ये। जेखर माध्यम ले अपन घर के चार सदस्य मन के जीवन-यापन करत हे। ओ मन ल कहूं ले दीनदयाल अन्त्योदय योजना, राष्ट्रीय शहरी आजीविका मिशन के बारे म जानकारी मिलीस। तब ओ ह नगर पालिका परिषद् महामसुन्द पहुंचके ये योजना के बारे म जानकारी लीस। ये संबंध म उहां के अधिकारी मन ह ये येाजना के बारे म ओ ल परखर बताइन। जेखर से ओ ह प्रेरित होके अपन व्यवसाय म जादा मुनाफा कमाए बर ऋण प्राप्त करे बर आवेदन फारम भरिस। जेखर से ओ ल कुछ दिन म इण्डियन बैंक महामसुन्द ले 80 हजार रूपिया के करजा कम ब्याज के दर ले मिलीस। जेखर से ओ ल अपन ठेला म नरियर के व्यवसाय के विस्तार करिस अऊ अपन एक भाई बर घलोक अलग से ठेला लगाके नरियर पानी के व्यवसाय म ओला जोडि़स। एखर अलावा ओ ह छोटकुन गोदाम घलोक ले लीस, जेमां ओ ल अपन नरियर के स्टाक ल रखे के सुविधा हो गीस। ठेला के माध्यम ले ह रोजेच 02 हजार ले 2.50 हजार रूपिया के नरियर पानी बेचथे। जेखर से ओ ल 500 ले 600 रूपिया के आमदनी हो जावत हे। जेखर से वोखर जीवन म एक नवा बदलाव आए हे। वोकर बताती बैंक के माध्यम ले जऊन करजा देहे गए रहिस। ओखर 06 किस्त घलोक वो ह बैंक म जमा कर डरे हे। एखर अलावा ओ ह नगद कैश लेनदेन के संगें-संग डिजीटल भुगतान ल बढ़ावा देहे बर गूगल पे, फोन पे के सुविधा ग्राहक मन ल उपलब्‍ध करावत हे।