बेमेतरा : नर्मदा व्यपवर्तन योजना, नहर बने ले मिलत हे अकतहा सिंचाई सुविधा

बेमेतरा, नर्मदा व्यपवर्तन सिंचाई योजना के निर्माण बेमेतरा जिला के विकासखण्ड साजा के अंतर्गत ग्राम नवागांवखुर्द के पारा नर्मदा नाला म करे गए हे। जल संसाधन विभाग के कार्यपालन अभियंता चंद्रशेखर शिवहरे ह बताइस कि जिला मुख्यालय ले ये सिंचाई योजना के दूरी 65 किमी हे। योजना के रूपांकित सिंचाई क्षमता 975 हे. हे। ये योजना के निर्माण साल 1969 म चालू करे गीस अऊ 1970 म पूरा करे गीस। ये योजना के कैचमेंट एरिया 72 वर्ग किमी हे, फेर कैचमेंट एरिया ले जादा पानी नइ होए के सेती सुरही व्यपवर्तन योजना के जेवनी तट नहर ले ये योजना ल पानी उपलब्ध कराना परथे। नर्मदा व्यपवर्तन योजना के नहर मन के रूपांकित क्षमता 45 क्यूसेक हे। कृषि अउ जल संसाधन मंत्री श्री रविन्द्र चौबे के उदीम ले एखर क्षमता ल बढ़ाके 100 क्यूसेक करे बर नहर मन के रिमाडलिंग अउ लाईनिंग काम करे गीस। रिमाडलिंग अउ लाईनिंग काम पूरा होए के बाद ये योजना के रूपांकित सिंचाई क्षमता 975 हे. के संगे-संग 1023 हे. म अकतहा सिंचाई सुविधा प्रदान करे जा सकही। ये प्रकार योजना के कुल सिंचाई क्षमता 1998 हे. हो जाही। जेखर से साजा क्षेत्र के 16 गांव नवागांव कला, पथर्रीकला, भटगाव, परपोड़ी, तिरियाभाट, खुरुसबोड़, जामगांव, कोहकाबोड, बुधवारा, बासिन, देवकर तुमड़ीपार, बगडुमार बुड़ेरा, कमकावाड़ा अउ सोनपांडर ल सिंचाई सुविधा के लाभ मिल सकही।