जगदलपुर, राज्य सरकार कोति ले संचालित सुराजी गांव योजना के तहत नरवा विकास कार्यक्रम म कैम्पा के वार्षिक कार्ययोजना 2019-20 अंतर्गत जगदलपुर वृत्त के सबो 4 वन मंडल म पास होए जम्मो 2 लाख 78 हजार 96 संरचना मन के निर्माण पूरा कर ले गए हे। एखर तहत करीबन 17 करोड़ रूपिया के राशि ले बने संरचना मन ले वनांचल के 65 हजार 509 हेक्टेयर जमीन के उपचार के लाभ क्षेत्रवासी मन ल मिलही।
एमां जगदलपुर वृत्त के सुकमा वन मंडल अंतर्गत असीरगुड़ा नाला म डेढ़ करोड़ रूपिया के राशि ले 4 हजार 836 भू-जल संवर्धन संबंधी संरचना मन के निर्माण करे गए हे। अइसनहे गीदम नाला म एक करोड़ रूपिया के राशि ले सबो 200 संरचना मन के निर्माण पूरा कर ले गए हे। अनुसंधान अऊ विस्तार जगदलपुर के अंतर्गत रतेंगानाला म 88 लाख रूपिया के राशि ले सबो 526 अऊ गगनझोड़ी नाला म एक करोड़ 12 लाख रूपिया के लागत राशि ले जम्मो 90 संरचना मन के निर्माण पूरा हो गए हे।
अइसनहे बस्तर वन मंडल अंतर्गत भरजोड़ी नाला म 88 लाख रूपिया के लागत राशि ले 21 हजार 992, रायकेरा नाला म 01 करोड़ 19 लाख रूपिया के लागत राशि ले 37 हजार 50 अऊ घोड़ाबहारा नाला म 54 लाख रूपिया के राशि ले 2 हजार 267 भू-जल संवर्धन संबंधी संरचना मन के निर्माण करे गए हे। कोयर नाला म 01 करोड़ 84 लाख रूपिया के लागत राशि ले 20 हजार 339, पोड़सी बहार नाला म 01 करोड़ 3 लाख रूपिया के लागत ले 2 हजार 153, कुरूष नाला म 44 लाख रूपिया के राशि ले 13 हजार 941 अऊ लोकलनाला म 92 लाख रूपिया के लागत राशि ले जम्मो 47 हजार 711 संरचना मन के निर्माण पूरा कर ले गए हे।
एखर अलावा बीजापुर वन मंडल अंतर्गत थुनकीवागू नाला म 01 करोड़ 48 लाख रूपिया के लागत राशि ले 40 हजार 371 अऊ बरदेला नाला म 01 करोड़ 50 लाख रूपिया के राशि ले 68 हजार 360 संरचना मन के निर्माण हो गए हे। अइसनहे दंतेवाड़ा वन मंडल अंतर्गत बालूदनाला म 01 करोड़ 43 लाख रूपिया के राशि ले 01 हजार 72, गीदमनाला म साढ़े चार लाख रूपिया के राशि ले 196 अऊ नगदनाला गीदम म 94 लाख रूपिया के लागत राशि ले जम्मो 16 हजार 992 भू-जल संबंधी संरचना मन के निर्माण पूरा कर ले गए हे।
नरवा विकास: जगदलपुर के जम्मो वन मंडल मन म साल 2019-20 के 2.78 लाख संरचना बन के तियार
