दुर्ग म बाढ़त हे वाटर रिचार्ज के काम: लाकडाउन म गांवों-गांव खुल गे हे काम

दुर्ग, 23 अप्रैल 2020। लाकडाउन-2 के फेस म गांव कोति अब निर्माण काम उफान म आ गे हे। मानसून के पहिली ग्रामीण क्षेत्र मन म आधारिक संरचना तियार करे अऊ कई आन काम मनरेगा के अंतर्गत करवाए जात हे जेकर से बड़का पैमाना म रोजगार सृजन होवत हे। अभी 43 हजार 375 श्रमिक मनरेगा के अंतर्गत काम करत हें। फिलहाल 1121 निर्माण काम स्वीकृत हे एमां नाला पुनरूत्थान, तालाब गहरीकरण, तालाब निर्माण आदि के अउ जलसंग्रह अऊ वाटर रिचार्ज ले संबंधित काम प्रमुख हे। मुख्यमंत्री श्री भूपेश बघेल ह ग्रामीण क्षेत्र मन म मनरेगा के माध्यम ले उपयोगी संरचना बनाए अऊ रोजगार सृजन के निर्देश देहे रहिन। मुख्यमंत्री ह कहे रहिन के अधिकारी सरलग मनरेगा के काम मन के मानिटरिंग करत रहंय। नरवा, गरूवा, घुरूवा, बाड़ी योजना के अंतर्गत उपयोगी संरचना ग्रामीण क्षेत्र मन म तियार करना हे। अइसन संरचना बनाना हे जऊन गांव वाले मन बर स्थायी रूप ले उपयोगी हो सकय। जेकर माध्यम ले उंखर आय बढ़ाए जा सकय। मुख्यमंत्री के निर्देश के बाद कलेक्टर श्री अंकित आनंद के मार्गदर्शन म जिला पंचायत कोति ले मनरेगा के काम युद्धस्तर म कराये जात हे। पाटन क्षेत्र के कुछ प्रमुख काम मन के निरीक्षण आज जिला पंचायत सीईओ श्री कुंदन कुमार ह घलोक करिस।