नाला सुधार ले दू गाव के 40 किसान होवत हे लाभान्वित
कोरबा, छत्तीसगढ़ सरकार के महत्वकांक्षी ग्राम सुराजी योजना के तहत गाँव मन के नदी, नाला मन के उपचार करके ओ मन ल संरक्षित अऊ संवर्धित करे जात हे। जेखर लाभ जन सामान्य ल मिलत हे। जनपद पंचायत पोड़ी उपरोड़ा अंतर्गत ग्राम पंचायत कुम्हारी दर्री के धनुवानाला के उपचार के बाद अब नाला बारामासी हो गए हे। नाला म कई ठन जल सरंचना मन के निर्माण ले दू गांव-कुम्हारी दर्री अऊ अमलिबहरा के 40 किसान मन ल सिचाई सुविधा मिलत हे। नरवा के विकास ले 30 हेक्टेयर सिंचाई रकबा बाढ़ गए हे। सिंचाई सुविधा मिल जाय ले किसान मन धान के फसल के संग सब्जी के उत्पादन करके आर्थिक लाभ लेवत हें। नाला म साल भर पानी भरे रहे ले गांव वाले मन ल निस्तार बर जल मिलत हे उहें पशु पक्षि अऊ मवेशि मन बर अब गर्मी के दिन म घलोक पेयजल उपलब्ध रहिथे।
जानबा हे के धनुवा नाला 5.6 किलोमीटर लम्बा जुन्ना नाला हे जेमे पहिली साल म मात्र 7-8 महीना ही पानी रहत रहिस। ये नाला गर्मी के दिन म सूखा जात रहिस,जेखर से खेत मन के सिचाई नइ हो पात रहिस। एखर संगेच गांव वाले मन ल निस्तारी जल अऊ मवेशी मन बर पेयजल के संकट गहरा जात रहिस। ए समस्या मन के निराकरण बर म नरवा गरुवा घुरुवा बाड़ी योजना के तहत नरवा विकास बर धनुवानाला के चयन करे गीस। नरवा विकास बर मनरेगा ले जल सरंक्षण अऊ जल सवर्धन सरंचना, ब्रशवुड, लूज बोल्डर चेकडेम, गेबियन, स्टाप डेम ,फार्म बंड, तालाब अऊ डबरी के निर्माण कराए गीस। जेमे दू सौ ले जादा परिवार ल रोजगार के अवसर मिलिस। नरवा विकास के काम ग्राउंड टूथ्रिंग, रिज टू वेली कांसेप्ट के आधार म गांव वाले मन के सहभागिता ले सिचाई सुविधा, सिचाई रकबा बढ़ाए, भूजल संवर्धन बढ़ाए बर करे गीस। नरवा विकास, उपचार के बाद मिटटी कटाव कम होय हे जेखर से उपजाऊ खेत मन म मिटटी, मुरुम के भराव कम होय हे। सिचाई के भरपूर व्यवस्था ले दू गाँव के 40 किसान मन के धान उत्पादन बाढ़ गए हे जेखर से किसान मन के आर्थिक स्थिति मजबूत होवत हे। संगेच मवेशी मन बर पेयजल मिलत हे।