मुंगेली 28 अप्रैल 2020// समाज कल्याण विभाग के उपसंचालक ह आज बताइन कि जिला अस्पताल मुंगेली म शासकीय टी.बी. अस्पताल के सामने नशा-मुक्ति अउ परामर्श केन्द्र के संचालन करे जावत हे। ये केन्द्र म शराब, जरदा, गुटखा, गुड़ाखु, तम्बाकु, सिगरेट, बीड़ी, गांजा, भांग अउ अन्य मादक पदार्थ के लत लगे मनखे ल परामर्श, दवाई अउ ईलाज के माध्यम् ले नशा-मुक्त करे जावत हे। नशा के लत के कारन व्यक्तिगत (मानसिक अउ शारीरिक) सामाजिक, आर्थिक अउ पारिवारिक हानि होवत हे। नशा, अपराध, आत्महत्या, हिंसा अउ दुर्घटना के एक बड़े जिम्मेदार कारन हे। नशा-मुक्ति अउ परामर्श केन्द्र के उद्देश्य नशा के शिकार मनखे ल एक घरेलु अउ मया प्रीत के महोल ले, परामर्श अउ चिकित्सीय ईलाज के माध्यम ले मनखे के नशा के प्रति सोच अउ मानसिकता म बदलाव लाना अउ ओला नशा-मुक्त बनाके समाज के मुख्य धारा से जोड़ना हे। परिवार, समाज अउ देश ल सशक्त बनाके, विकास के रस्ता म आगे बढ़ाना हे।नशा के शिकार मनखे नशा-मुक्ति अउ परामर्श केन्द्र म बिहनिया 10ः00 बजे ले मंझनिया 3ः00 बजे तक नशा-मुक्ति के संबंध म परामर्श अउ उपचार प्राप्त कर सकत हे।
मुंगेली ले गुरतुर गोठ बर दिलीप बसंत
