नशा के आदत उपर रोक लगाय बर भारत माता वाहिनी समाज कल्याण विभाग के निगरानी म चलही अभियान
रायपुर, समाज कल्याण विभाग के निगरानी म चलही मनखे मन ल व्यसन के दुष्प्रभाव ले जागरूक करे अऊ व्यसन के आदत ल रोके बर पूर्ण छत्तीसगढ़ म नशा मुक्ति बर व्यापक स्तर म अभियान के शुरुआत होए हे। नशा के प्रवृत्ति उपर रोक लगाय के जिम्मा भारत माता वाहिनी ल सौंपे गए हे। ये पूरा अभियान राज्य सरकार के समाज कल्याण विभाग के निगरानी म संचालित करे जात हे।
जानबा हे कि विश्व स्वास्थ्य संगठन (डब्ल्यू.एच.ओ.) के रिपोट के मुताबिक शराब सेवन ले ही पूरा विश्व म हर साल करीब 20 लाख मनखे मन के मौत हो जाथे। उहें नशा कई आन गंभीर बीमारी मन के घलोक कारण बनथे। अइसन म प्रदेश के संवेदनशील मुख्यमंत्री श्री भूपेश बघेल ह व्यसन मुक्ति अभियान ल लेके विशेष तौर म निर्देश देहे हें। मुख्यमंत्री के निर्देश म समाज कल्याण विभाग के अंतर्गत भारत माता वाहिनी योजना के संचालन करके नशामुक्ति बर व्यापक जागरूकता अभियान चलाय के तैयारी हे। नशामुक्ति के ये अभियान पूरा छत्तीसगढ़ म ग्राम स्तर म चलाए जात हे। एखर बर ग्राम स्तर ले लेके जिला अउ राज्य स्तर म समिमि मन के गठन करे जात हे। समाज कल्याण विभाग कोति ले योजना के प्रगति के हर तीन महीना म समीक्षा करे जाही। उहें जिला कार्यालय कोति ले एक निश्चित अंतराल म काम अउ कार्यक्रम क्रियान्वयन संबंधी पालन प्रतिवेदन संचालक समाज कल्याण संचालनालय ल प्रस्तुत करे जाही।
