मुंगेली, 08 मई 2020// नशापान सामाजिक बुराई के साथ-साथ एक मानसिक बीमारी घलो आय। जेखर ईलाज समय रहते संभव हे अउ एही संभावना ल दिशा देय खातिर नशलची के नशा मुक्त आत्म नियंत्रित जीवन बर मुंगेली जिला म स्वास्थ्य अउ परिवार कल्याण ,समाज कल्याण विभाग के संयुक्त तत्वाधान में हेल्प आन सोसायटी द्वारा निःशुल्क नशा मुक्ति परामर्श केंद्र संचालन करे जावत हे। नशा मुक्ति केंद्र के संचालन जिला चिकित्सालय परिसर मुंगेली म करे जावत हे। नशा मुक्ति केंद्र म सर्व सुविधा युक्त वार्ड, चिकित्सकीय जांच, उचित सामाजिक पारिवारिक सलाह, योग अध्यात्म अउ म्युजिक थैैरेपी के द्वारा नशलची ल नशा मुक्त सामाजिक जीवन बर प्रेरित करे जावत हे। समाज कल्याण विभाग के उप संचालक सुश्री शारदा जायसवाल ह आज बताइन कि नशापान सभ्य समाज म अभिशाप हे। नशा शराब, भांग, अफीम, गांजा या अन्य रासायनिक मादक द्रव्य के व्यवहार म उत्पन्न मे होवैया दशा हे। जेखर से मनुष्य के मस्तिष्क क्षुब्ध अउ उत्तेजित हो उठथे स्मृति याद या धारण क्षमता कम हो जाथे। मनखे ह एखर सेती मनोरजन, मानसिक चिंता म घुटन या शारीरिक शिथिलता दुर करे के मन से नशा ल अपनाथे।
मुंगेली ले दिलीप बसंत