पक्का अवास निरमान ब शासन ले मिलस आर्थिक मदद
नवा पक्का के मकान म नाथूराम परिवार के स ग खुसी ले करत हे जीवन-यापन
मोहला, नेहा राठौर के खबर/ प्रधानमंत्री आवास योजना ग्रामीण के माध्यम ले सरकार कोती ले ग्रामीण क्षेत्र म रहोइया आर्थिक रूप ले कमजोर वर्ग के लोगन मन ल अपन खुद के पक्का मकान बनाए ब आर्थिक सहायता दिए जाथ हे। ग्रामीण क्षेत्र मन म आज घलो अबड़ अकन परिवार कच्चा मकान म रइथे। पक्का मकान बनाए के सपना के पूरति करे के उद्देश्य ले सरकार डहर ले ग्रामीण इलाका म रहोइया मन ब प्रधानमंत्री अवास योजना ग्रामीण चलाए जाथ हे।
आदिवासी बाहुल्य क्षेत्र अंबागढ़ चौकी विकासखंड के गांव सांगली निवासी श्री नाथूराम ल अपन स्वयं के पक्का मकान होए ले पानी बरसात के दिन म कोनो तरिका के चिंता नई हे। श्री नाथूराम मेहनती किसान आए, अपन जीवन-यापन करे ब खेती अउ गांव म साजए सज्जा के बुता करथे। श्री नाथूराम ह बतात रहिस के ओ ह पहिली खपरइला वाला माटी के कच्चा मकान म रहत रहिस हे अउ चम्मास के दिन म पानी चुहे,भुइयां ह कच्चा हो जाए देवाल मन म पानी ओगरे इसनए कै परकार के परसानी होत रहीस हे। श्री नाथूराम ह बतइस के शासन के प्रधानमंत्री अवास योजना ग्रामीण कोती ले पक्का अवास निर्माण ब 1 लाख 30 हजार रूपिया के स्वीकृति मिलीस अउ जतका दिन कहे रहिस हे ओतका म काम घलो पूरा होगे। शासन के महत्वपूर्ण योजना प्रधानमंत्री अवास योजना ग्रामीण श्री नाथूराम ब एक ठ बरदान बन के आइस। ओ ह ए सहयता ब शासन अउ प्रशासन ल अभार अउ धन्यवाद दिहिस।
