हर्बल गुलाल म रंगिस राष्ट्रीय कृषि मेला : समूह के महिला मन ह गोंदा फूल, लाल भाजी, हरदी ले तियार करिन रंग-बिरंगा हर्बल गुलाल

रायपुर, 24 फरवरी 2020। राष्ट्रीय कृषि मेला म लाल, हरियर, नारंगी रंग म रंगे हर्बल गुलाल मनखे मन ल अड़बड़ भावत हे। ये हर्बल गुलाल ल तियार करे हें छत्तीसगढ़ के तिल्दा के भुंइया स्व-सहायता समूह के महिला मन ह। समूह के सदस्य श्रीमती मीरा कन्नौजे ह बताइस कि होली के तिहार ल ध्यान म रखत उमन हर्बल गुलाल बनाए के शुरूआत करे हें। हर्बल गुलाल म हरियर रंग बर पालक, गोंदा पौधा के पाना, पींवरा रंग बर गोंदा फूल, हरदी अऊ बेसन अऊ नारंगी रंग बर लाल भाजी अऊ चुकंदर के उपयोग करे गए हे। उमन बताइन कि ये रंग केमिकल मुक्‍त होए के सेती त्वचा ल नुकसान नइ पहुंचाए।