जिला पंचायत कबीरधाम के राष्ट्रीय पंचायत पुरस्कार-2022 बर चयन
जिला पंचायत कबीरधाम के संग ग्राम पंचायत केजेदाह ल घलोक मिलही राष्ट्रीय पुरस्कार
मुख्यमंत्री श्री भूपेश बघेल ह दीन बधाई अऊ शुभकामना
ग्रामीण अंचल म आय के स्रोत ल बढ़ाए बर करे गए हे काम
राष्ट्रीय पंचायत दिवस के अवसर म अवईया 24 अपरेल के प्रधानमंत्री के हाथ देहे जाही पुरस्कार
रायपुर, बीते 3 बछर म कई राष्ट्रीय पुरस्कार अपन नाम कर चुके छत्तीसगढ़ फेर एक पईत राष्ट्रीय पटल म चमके हे। ये पइत पं. दीनदयाल उपाध्याय पंचायत सशक्तीकरण पुरस्कार-2022 बर जिला पंचायत कबीरधाम के चयन राष्ट्रीय स्तर म होए हे। जिला पंचायत कबीरधाम के संग जनपद पंचायत सहसपुर लोहारा के ग्राम पंचायत केजेदाह के घलोक चयन राष्ट्रीय पंचायत पुरस्कार बर होय हे। अवईया 24 अपरेल के राष्ट्रीय पंचायत दिवस के अवसर म ये पुरस्कार प्रधानमंत्री के हाथ प्रदान करे जाही। जिला पंचायत कबीरधाम के चयन राष्ट्रीय पंचायत पुरस्कार बर होए म मुख्यमंत्री श्री भूपेश बघेल ह जिला वासी मन ल बधाई अऊ शुभकामना देहे हे।
राष्ट्रीय पंचायत पुरस्कार बर चयन होए म कलेक्टर कबीरधाम श्री रमेश शर्मा ह कहिन कि ये अथक परिश्रम के परिणाम ये कि राष्ट्रीय स्तर म जिला पंचायत कबीरधाम ल सम्मानित करे जात हे। उहें जिला पंचायत कबीरधाम के मुख्य कार्यपालन अधिकारी श्री संदीप कुमार अग्रवाल ह बताइस कि वित्तीय साल 2020- 21 के समय करे गए उल्लेखनीय काम मन के आधार म जिला के चयन राष्ट्रीय पंचायत पुरस्कार बर होय हे। भौतिक सत्यापन के बाद जिला पंचायत कबीरधाम ल राष्ट्रीय स्तर म पंचायत पुरस्कार बर चयन करे गीस, जेन जिला अऊ प्रदेश बर गौरव के बात हे।
