आयुष मोबाइल मेडिकल यूनिट ले अब तक 1382 लाभान्वित

कोरिया, राष्ट्रीय आयुष मिशन के हुकुम के मुताबिक जिला कोरिया म जनवरी 2025 ले आयुष मोबाइल मेडिकल यूनिट संचालित करे जात हे। जिला के विकासखण्ड सोनहत के ग्राम रावतसरई, पत्थरगंवा, भर्रीडीह, कचोहर, वंशीपुर अऊ खडगंवा के तहत ग्राम गंगापुर, कासाबहरा अऊ इंदरपुर ल चिन्हित करके हरेक सनिवार के शिविर आयोजित करे जात हे। ए शिविर मन म आयुष चिकित्सक अऊ आयुर्वेद फार्मासिस्ट कोति ले चिकित्सा परीक्षण अऊ औषधि देहे जात हे। संगे आमजनता अऊ विशेषकर वृद्धजन मन ल आयुर्वेद, योग, स्वस्थ दिनचर्या अऊ हेल्दी लाइफ स्टाइल के प्रति जागरूक करे जात हे।
जनवरी ले जुलाई 2025 तक 27 शिविर आयोजित करे गीस, जेमें 1382 लाभार्थी आयुष पद्धति ले लाभान्वित होइन अऊ 485 लाभार्थी मन के एनसीडी परीक्षण करे गीस। शिविर मन म मौसमी बीमारी मन के जानकारी अऊ योगाभ्यास के महत्व घलोक बताए गीस।
शासन के मंशा मुताबिक मोबाइल मेडिकल यूनिट के माध्यम ले ‘धरती आबा जनजाति ग्राम उत्कर्ष अभियान‘ के अंतर्गत चिन्हित ग्राम मन के जनजातीय परिवार मन ल विशेष रूप ले आयुष सेवा उपलब्ध कराए जात हे।