मानव जीवन म मधुमक्खी मन के महत्वपूर्ण भूमिका ल जानिन
रायपुर 18 अगस्त 2024। नंदनवन जू अउ जंगल सफारी, नवा रायपुर म राष्ट्रीय मधुमक्खी दिवस के अवसर म “पोलिंनेटर्स प्यूपल एंड प्लेनेट कंसर्वे टुडे फॉर सस्टेनबल टुमारो ” थीम उपर आधारित शैक्षणिक कार्यक्रम होइस।
कार्यक्रम म मानव जीवन म मधुमक्खी मन के महत्वपूर्ण भूमिका ले प्रतिभागी मन ल अवगत कराए गीस । कार्यक्रम म नवा रायपुर के हायर सेकंडरी स्कूल राखी के 53 छात्र अऊ शिक्षक मन ह भाग लीन। प्रतिभागी मन ल मधुमक्खी मन के बारे म प्रेजेंटेशन के माध्यम ले विस्तृत जानकारी प्रदान करे गीस। मधुमक्खी मन के पारिस्थितिकी तंत्र म महत्वपूर्ण भूमिका अऊ जैव विविधता म उंखर प्रभाव,भारत म पाय जाने वाले कई प्रकार के मधुमक्खी मन के प्रजापति अऊ उंखर विशेषता, मधुमक्खी पालन, मधुमक्खी मन के जीवन चक्र आदि के बारे म विस्तार ले बताए गीस। छात्र मन ह बहुत रुचि अऊ उत्साह के संग हिस्सा लीन अऊ सवाल पूछ के अपन जिज्ञासा घलोक व्यक्त करिन
कार्यक्रम म जंगल सफारी कोति ले अधिकारीगण सर्वश्री चंद्रमणी साहू , हिमांशु प्रधान, अऊ उपेंद्र साहू सामिल होइन ।
जंगल सफारी के संचालक श्री धम्मशील गणवीर ह बताइस कि नंदनवन जू अउ जंगल सफारी ह वन मंत्री श्री केदार कश्यप के दिशा निर्देशानुसार वन्यजीव अऊ पर्यावरण संरक्षण मुद्दा म कई ठन मोड्यूल तैयार करके स्कूली पढ़ईया लईका मन ल पर्यावरण अउ प्रकृति के प्रति जागरूक करे बर सरलग उदीम करत हे।
