रायपुर, लइका के जन्म परिवार म खुसी लेके आथे। एमा कभू-कभू नवजात के आगमन मां-बाप ल खुशी के मौका देहे के संग ऊंखर माथा म चिंता के लकीर घलोक खींच देथे। जन्मजात विकृति के संग पैदा होए लइका मन के परिजन मन ल भविष्य के चिंता सताए लागथे। स्वास्थ्य अउ परिवार कल्याण विभाग छत्तीसगढ़ के राष्ट्रीय बाल स्वास्थ्य कार्यक्रम (चिरायु योजना) के माध्यम ले अइसन लइका मन अऊ ऊंखर परिवार के चिंता निःशुल्क जांच अउ पूर्ण उपचार करके दूर करे जात हे। चिरायु योजना (राष्ट्रीय बाल स्वास्थ्य कार्यक्रम) के माध्यम ले साल 21-22 म अब तक प्रदेश म 18 हजार 288 लइका जेन कई ठन बीमारी ले पीड़ित रहिन, तेकर पूरा उपचार करे गए हे। ये योजना ह बहुत अकन परिवार के परेशानी दूर करे के संग पीड़ित लइका मन ल नवा जीवन देत हे।
राष्ट्रीय बाल स्वास्थ्य कार्यक्रम (चिरायु) लइका मन बर हे संजीवनी
