केंद्रीय गृहमंत्री श्री अमित शाह ह काली नवा रायपुर स्थित राष्ट्रीय न्यायालयिक विज्ञान विश्वविद्यालय (एनएफएसयू) के अस्थायी परिसर अउ आई-हब रायपुर के वर्चुअल माध्यम ले उद्घाटन करिन।
केंद्रीय गृहमंत्री श्री अमित शाह ह कहिन कि ए संस्थान मन के निर्माण ले न केवल छत्तीसगढ़ बल्कि पूरा मध्य भारत ल आधुनिक न्याय प्रणाली अऊ अपराध जांच म सशक्त आधार मिलही। नवा फॉरेंसिक टेक्नोलॉजी, जइसे डीएनए फिंगरप्रिंटिंग, एलएसडी साइंस, साइबर सिक्योरिटी, बायोटेक्नोलॉजी अऊ डिजिटल फॉरेंसिक अब स्थानीय स्तर म सुलभ होही, जेखर से जांच प्रक्रिया तेज अऊ सटीक होगी। उमन बताइन के अब फॉरेंसिक जांच बर राजधानी या दिल्ली जाए के जरूरत नइ रहय, जम्मो जांच अटल नगर, नवा रायपुर म ही संभव होही।
ए बेरा म केंद्रीय गृह मंत्री श्री अमित शाह ह कहिन के आज छत्तीसगढ़ बर क्रिमिनल जस्टिस सिसटम ल आधुनिक अऊ वैज्ञानिक बनाए के दिशा म एक ऐतिहासिक दिन हे। एनएफएसयू के अस्थायी परिसर के संगे-संग नवा रायपुर म स्थायी परिसर बर भूमि पूजन अउ केंद्रीय फॉरेंसिक साइंस लैब के स्थापना के घलोक शुरुआत करे गए हे। कुल 268 करोड़ रुपिया के लागत ले ये संस्थान विकसित करे जात हे। अस्थायी परिसर म सत्र 2025-26 ले बीएससी, एमएससी फॉरेंसिक साइंस, साइबर सिक्योरिटी, मनोविज्ञान, डिजिटल फॉरेंसिक अउ प्रोफेशनल डिप्लोमा कोर्सेस चालू हो जाही। पहिली बैच म लगभग 180 छात्र प्रवेश लेहीं।
ए अवसर म विधानसभा अध्यक्ष डॉ. रमन सिंह, केंद्रीय राज्य मंत्री श्री तोखन साहू, उपमुख्यमंत्री श्री विजय शर्मा अउ श्री अरुण साव, केंद्रीय गृह सचिव श्री गोविंद मोहन, निदेशक आसूचना ब्यूरो श्री तपन कुमार डेका, मुख्य सचिव श्री अमिताभ जैन, परिसर निदेशक एनएफएसयू गांधीनगर के प्रोफेसर डॉ एसओ जुनारे संग आन जनप्रतिनिधि अउ अधिकारी उपस्थित रहिन।
