छत्तीसगढ़ के पशुपालक माधुरी जंघेल अऊ तकनीशियन दुलारू राम साहू ल मिलीस राष्ट्रीय गोपाल रत्न पुरस्कार

रायपुर, छत्तीसगढ़ के पशुपालक श्रीमती माधुरी जंघेल अऊ पशुधन विकास विभाग म काम करईया कृत्रिम गर्भाधान तकनीशियन दुलारू राम साहू ल प्रतिष्ठित राष्ट्रीय गोपाल रत्न पुरस्कार ले नवाजे गए हे। पशुपालन अऊ पशुधन विकास म उत्कृष्ट काम बर भारत सरकार के पशुपालन, डेयरी अऊ मत्स्यपालन मंत्रालय कोति ले चुने गए मनखे ल ये पुरस्कार देहे जाथे। केन्द्रीय पशुपालन, डेयरी अऊ मत्स्यपालन मंत्री श्री परूषोत्तम रूपाला ह आज राष्ट्रीय दुग्ध विकास बोर्ड अऊ पशुपालन, डेयरी अऊ मत्स्यपालन मंत्रालय कोति ले भारत म श्वेत क्रांति के जनक स्वर्गीय श्री वर्गीज कुरियन के जन्म शताब्दी अऊ राष्ट्रीय दुग्ध दिवस म गुजरात के आनंद म आयोजित कार्यक्रम म ये पुरस्कार प्रदान करिन।
मुख्यमंत्री श्री भूपेश बघेल अऊ पशुधन विकास मंत्री श्री रविन्द्र चौबे ह पशुपालक श्रीमती माधुरी जंघेल अऊ तकनीशियन दुलारू राम साहू ल उंखर ये उपलब्धि उपर बधाई अऊ शुभकामना देहे हें। धमतरी जिला के कुरूद विकासखंड के ग्राम मुरा के कृत्रिम गर्भाधान तकनीशियन दुलारू राम साहू ल श्रेष्ठ कृत्रिम गर्भाधान तकनीशियन श्रेणी म तीन लाख रूपिया के दूसर पुरस्कार मिले हे। उहें राजनांदगाव जिला के छुईखदान विकासखंड के ग्राम संडी के पशुपालक श्रीमती माधुरी जंघेल ल श्रेष्ठ देशी नस्ल कृषक श्रेणी म दू लाख रूपिया के तीसर पुरस्कार प्राप्त होए हे।