राष्ट्रीय सम्मान ले देश म बाढि़स गरियाबंद के गौरव जिला ल मिलीस एक करोड़ रूपिया के पुरस्कार
महामहिम राष्ट्रपति श्रीमती द्रौपदी मुर्मु के हाथ गरियाबंद जिला के कलेक्टर श्री बी एस उइके ह झेकिंन पुरस्कार
मुख्यमंत्री श्री विष्णु देव साय ह दीन बधाई अऊ शुभकामना
गरियाबंद, जल संचय अऊ जन भागीदारी के क्षेत्र म उत्कृष्ट काम खातिर छत्तीसगढ़ के गरियाबंद जिला ल जोन-1, केटगरी-2 म देश म तीसरा जगा मिले हे। दिल्ली के विज्ञान भवन म आयोजित समारोह म राष्ट्रपति श्रीमती द्रौपदी मुर्मु हाथ ले ये सम्मान देहे गीस। ए पुरस्कार के तहत गरियाबंद जिला ल कई ठन विकास काम मन खातिर एक करोड़ रूपिया के राशि मिले हे। एखर से न सिरिफ गरियाबंद जिला, बल्कि पूरा छत्तीसगढ़ के गौरव बाढ़े हे। मुख्यमंत्री श्री विष्णु देव साय ह जिला ल ए उपलब्धि खातिर बधाई अऊ शुभकामना देहे हे। ए बेरा म केंद्रिय जल शक्ति मंत्री श्री सी. आर. पाटिल, जल शक्ति अऊ रेल मंत्रालय के राज्यमंत्री श्री वी. सोमन्ना अऊ जल शक्ति मंत्रालय के राज्यमंत्री श्री राज भूषण चौधरी उपस्थित रहिन। ये पुरस्कार जिला के कलेक्टर श्री बी एस उइके, जलसंसाधन विभाग के कार्यपालन अभियंता श्री एस खातिर्मन अऊ सहायक अभियंता श्री मनोज ताण्डिल्य मन ह झोंकिन। राष्ट्रीय जल संचय अऊ जलभागीदारी काम खातिर तीसरा पुरस्कार के रूप म गरियाबंद जिला ल एक करोड़ रूपिया के पुरस्कार मिलिस। जानबा हे के गरियाबंद जिला, जल शक्ति मंत्रालय, भारत सरकार कोति ले आयोजित राष्ट्रीय जल पुरस्कार प्रतियोगिता म कई चरण के निरीक्षण, पर्यवेक्षण अऊ मूल्यांकन के बाद ईस्ट जोन के तीसरी बेस्ट जिला चुने गीस।
गरियाबंद जिला ल जोन-1, केटेगरी-2 म मिलीस जल संचय, जन भागीदारी के काम खातिर देश म तीसरा स्थान
