मुख्यमंत्री श्री भूपेश बघेल घलोक वीडियो क्रान्फेसिंग ले आयोजन म सामिल होइन
2023 ह होही अन्तराट्रीय मिलेट साल
दंतेवाड़ा, प्रधानमंत्री श्री नरेन्द्र मोदी ह वीडियो क्रान्फेसिंग के माध्यम ले रायपुर जिला के बरोंडा म नवनिर्मित भारतीय कृषि अनुसंधान परिषद के अंतर्गत राष्ट्रीय जैविक प्रतिबल (स्ट्रैस) प्रबंधन संस्थान राष्ट्र ल समर्पित करिन। उमन समारोह म विशेष गुण वाले 33 फसल प्रजाति मन के विमोचन घलोक करिन। प्रदेश के मुख्यमंत्री श्री भूपेश बघेल घलोक वीडियो क्रान्फेसिंग के माध्यम ले आयोजन म सामिल होइन। राष्ट्रीय जैविक प्रतिबल (स्ट्रैस) प्रबंधन संस्थान के निदेशक श्री प्रवीर कुमार घोष ह संस्थाओं के जानकारी दीन।
जानबा हे कि कृषि अनुसंधान अऊ शिक्षा ल सुदृढ़ करे बर भारत सरकार कोति ले गठित एक उच्च स्तरीय वीरप्पा मोइली समिति ह राष्ट्रीय परिपेक्ष म जैविक प्रतिबल (स्ट्रैस) प्रबंधन संस्थान ल खोले के अनुशंसा करे रहिस। बारहवीं पंचवर्षीय योजना म कैबिनेट कोति ले भारतीय कृषि अनुसंधान परिषद के अंतर्गत राष्ट्रीय जैविक स्ट्रैस प्रबंधन संस्थान ल एक मानित विश्वविद्यालय के रूप म स्थापित करे के अनुमोदन करे गीस अऊ एला छत्तीसगढ़ राज्य के रायपुर म स्थापित करना तय करे गीस अऊ 7 अकटूबर 2012 के एकर शिलान्यास करे गीस। छत्तीसगढ़ सरकार के सहयोग ले इंदिरा गांधी कृषि विश्वविद्यालय, रायपुर के बरौंडा स्थित अनुसंधान फार्म के 50 हेक्टेयर जमीन संस्थान के स्थापना बर आवंटित करे गीस। ये भारतीय कृषि अनुसंधान परिषद के अंतर्गत छत्तीसगढ़ राज्य के एकमात्र विशिष्ट पौध संरक्षण के संस्थान ये। अभी हाल म ये संस्थान जैविक स्ट्रैस म बुनियादी व रणनीतिक अनुसंधान, मानव संसाधन अऊ राष्ट्रीय नेटवर्क बर नीति समर्थन बर काम करत हे।
मुख्यमंत्री श्री भुपेश बघेल ह अपन संबोधन म राष्ट्रीय जैविक स्ट्रेस प्रबंधन संस्थान के विमोचन बर धन्यवाद ज्ञापित करिन जेन कि 50 हेक्टेयर क्षेत्रफल म फैले हे। जेमां स्ट्रेस ले संबंधित खोज करे जाथे अऊ जिहां स्नात्कोत्तर के विद्यार्थी अध्ययनरत हें। उमन छत्तीसगढ़ के जशपुर जिला म होवत जीरा फूल चावल अऊ मिलेट मिशन के संगें-संग रागी, कोदो अऊ कुटकी के फसल उत्पादन अऊ मूल्य संवर्धन के काम मन ले अवगत कराइन। उमन बताईन के जैविक खेती 6000 ले जादा गांव म करे जात हे। 12 लाख क्विंटल जैविक खाद के उत्पादन करे जा चुके हे। जेखर से जैविक खेती म भरपूर सहयोग मिलत हे। उमन ह बताइस कि केन्द्र ले संचालित योजना मन के सुचारू रूप ले संचालन करे जात हे। अवइया गांधी जयंती के अवसर म गोबर गैस ले बिजली उत्पादन गौठान मन म करे जाही।
ये कार्यक्रम म प्रधानमंत्री श्री नरेन्द्र मोदी कोति ले राष्ट्रीय जैविक स्ट्रेस प्रबंधन अऊ संस्थान, रायपुर अऊ फसल मन के विशेष गुण वाले 35 किस्म राष्ट्र ल समर्पित करे गीस। जेमां किन्नों के एक कुदु की-1 विडंबीन के एक बकली के एक गेंहू के छः धान के आठ, मक्का के तरन, ज्वास के तीन, बाजरा के दू, सरसों के दू, सोयाबीन के तीन, अरहर के दू अऊ चना के दू किसिम सामिल हे। संगेच देश के 5 प्रगतिशील किसान मन संग के संग गोठ बात तको करे गीस।
National Institute of Biological Stress Management dedicated to the nation at Baronda, Raipur