मॉ कौशिल्या स्व-सहायता समूह के छेरी मन के गोंहड़ी एके साल म जबर बाढि़स - हांका

छेरी मन ह देहे हें सत-सत पिला
मुख्यमंत्री ह चंदखुरी गौठान म योजना के तहत देहे रहिन छेरी

रायपुर, रायपुर के तीर माता कौशल्या मंदिर के पावनधरा चंदखुरी के गौठान म मुख्यमंत्री श्री भूपेश बघेल ह करीबन एक साल पहिली मॉ कौशिल्या स्व-सहायता समूह ल रूरल बैकयार्ड गोट डेव्हलपमेंट स्कीम के तहत 10 छेरी अऊ 1 ठी बोकरा देहे रहिन। महिला मन बर बकरी पालन के काम म नवा रहिन, फेर उमन अपन ये काम ल पूरा लगन अऊ मेहनत ले करिन अऊ देखते देखत इहां छेरी मन के गोंहड़ी एके साल म जबर बाढि़स। एकक छेरी के सत-सत पिला जनमिस अऊ अब इहां बकरीवंशीय पशु मन के संख्या बाढ़के 18 हो गए हे।
जानबा हे कि नेशनल लाईव स्टॉक मिशन के घटक रूरल बैकयार्ड गोट डेव्हलपमेंट योजना के माध्यम ले बकरी पालन बर अनुदान म बकरी अऊ बकरा प्रदाय करे जाथे। महिला स्वसहायता समूह के सदस्य श्रीमती वीणा धीवर ल योजना के तहत लाभ देवाए गए हे। एखर तहत एक इकाई के लागत 66 हजार रूपिया आथे। येमा ले 59 हजार 400 रूपिया के राशि अनुदान के होथे अऊ हितग्राही ल सिरिफ 6 हजार 600 रूपिया के राशि अंशदान के रूप म देना पपरथे। श्रीमती वीणा धीवर योजना के प्रति काफी आशान्वित हे ओ ल अनुमान हे कि ओला पहिलिच साल 40 हजार रूपिया के अमदानी होही। भविष्य म बकरी मन के संख्या बाढ़े म वोखर आय अऊ बाढ़ही।