नेशनल लोक अदालत म अधिक से अधिक प्रकरण मन के करे जाही निराकरण

अम्बिकापुर 2 अप्रैल 2021 शुकवार। जिला अउ सत्र न्यायाधीश श्री बीपी वर्मा के निर्देशानुसार न्याय सदन अम्बिकापुर म 10 अप्रैल 2021 के आयोजित होवइया नेशनल लोक अदालत म अधिक से अधिक प्रकरण मन के निराकरण करे जाए के संबंध म जिला विधिक सेवा प्राधिकरण के सचिव श्री जनार्दन खरे डाहर ले बीमा कम्पनी के अधिवक्ता मन संग प्रीसीटिंग एवं मीटिंग के आयोजन करे गइन। बैठका म नेशनल लोक अदालत म मोटर दुर्घटना दावा प्रकरण मन के अधिक से अधिक संख्या म निराकरण करे म सहमति व्यक्त करे गइन । श्री खरे ह बताइन कि नेशनल लोक अदालत म न्यायालय म लंबित राजीनामा योग्य आपराधिक प्रकरण, परक्राम्य लिखित अधिनियम के धारा 138, बैंक वसूली प्रकरण, मोटर दुर्घटना दावा, श्रम संबंधी वाद, विद्युत अउ जल संबंधी देयक, पारिवारिक विवाद, भूमि अधिग्रहण मामला, सेवा संबंधी मामला, राजस्व, दीवानी अउ प्री-लिटीगेशन प्रकरण मन के आपसी समझौता के माध्यम ले निराकरण करे जाही। नेशनल लोक अदालत के संबंध म अधिक जानकारी बर जिला विधिक सेवा प्राधिकरण अम्बिकापुर, तालुक विधिक सेवा समिति सीतापुर या अपन तीर के विधिक सेवा संस्थान ले या नइ तो फोन नम्बर 07774236203 म तको सम्पर्क कर सकत हौ।