दिल्ली, 19 मई 2021। राष्ट्रीय आधुनिक कला संग्रहालय (एनजीएमए), नई दिल्ली ह अंतर्राष्ट्रीय संग्रहालय दिवस के अवसर म एनजीएमए के ऑडियो-विजुअल गाइड ऐप के लॉन्च के ऐलान करे हे। ये ऐप के संग संग्रहालय के दर्शक मन बर गैलरी म प्रदर्शित बहुमूल्य भारतीय आधुनिक कला ले संबंधित उपाख्यान अऊ कहानी मन ल स्मार्ट फोन म, कहूं भी, कभू भी सुनना संभव होही। ऐप संग्रहालय के दीर्घा मन म प्रदर्शित आधुनिक कला के अमूल्य खोज बर एक ऑडियो-विजुअल गाइड के रुप म काम करही।
ऐप गूगल प्लेस्टोर अऊ एप्पल ऐपस्टोर दुनों म उपलब्ध हे। कथन मन ल सुने बर, उपयोगकर्ता मन ल ऐप डाउनलोड करना होही अऊ देहे गए नंबर मन के उपयोग करके चीज मन ल नेविगेट करना होही। इही नंबर संग्रहालय म आर्ट वर्क के दुसर कोति प्रदर्शित करे जाही। ऐप के एक वेब संस्करण उन मनखे मन बर घलोक उपलब्ध हे जेन ऐप डाउनलोड करे के इच्छुक नइ हें अऊ वो केवल क्यूआर कोड ल स्कैन करके संग्रहालय ले जुड़ सकहीं। एनजीएमए ऐप अऊ टूर सबो उपयोगकर्ता मन बर निःशुल्क हे।
संग्रहालय तीर फोटू, वीडियो अऊ आवाज मन के एक समृद्ध मिश्रण हे। ओखर उद्देश्य संग्रहालय म आगंतुक मन के देखे के अनुभव ल रूचिकर बनाना हे अऊ वर्चुअल माध्यम ले संग्रहालय के समृद्ध खजाना तक मनखे मन के पहुंच बढ़ाना हे।
एखर अलावा विषय मन ल एक दिलचस्प कहानी के रुप म कहे के प्रारूप म पेश करे गए हे। जेमां कलाकार के बारे म, कला के पीछू के विचार अऊ ओला तियार करे म उपयोग करे गए तकनीक के घलोक जानकारी मिलही।
लॉन्च के बारे म एनजीएमए के डीजी श्री अद्वैत गडनायक ह कहिन, ‘एनजीएमए के ऑडियो-विजुअल गाइड ऐप के लॉन्च एक मील के पत्थर ये। ये मनखे मन ल कला ले घनिष्ठ रूप ले जुड़े म मदद करही। में विशेष रूप ले आशा करत हंव के हमार लइका अऊ युवा ऐप के भरपूर उपयोग करहीं अऊ कला ल मानवीय भावना के एक महत्वपूर्ण अभिव्यक्ति के रूप म अनुभव करहीं।’
एनजीएमए वेबसाइट : http://ngmaindia.gov.in/
एसओएचएएम:https://so-ham.in
एनजीएमए फेसबुक:https://www.facebook.com/ngmadelhi
एनजीएमए ट्विटर:https://twitter.com/ngma_delhi
एनजीएमए इंस्टाग्राम:@ngma.delhi
राष्ट्रीय आधुनिक कला संग्रहालय ह अंतर्राष्ट्रीय संग्रहालय दिवस के अवसर म ऑडियो-विजुअल गाइड ऐप लॉन्च करिस
