राष्ट्रीय पोषण महिना के पहिली हफ्ता पोषण वाटिका विकसित करे उपर जोर

बेमेतरा, जिला म 1 सितमबर 2021 ले चालू राष्ट्रीय पोषण महिना म हरेक दिन बहुत अकन गतिविधि के आयोजन करे जात हे। राष्ट्रीय पोषण महिना के अंतर्गत पहिली हफ्ता म पोषण वाटिका विकसित करे बर वृक्षारोपण गतिविधि के आयोजन, आंगनबाड़ी केन्द्र मन म फैन्सी ड्रेस प्रतियोगिता के आयोजन, कोविड टीकाकरण बर जागरूकता जइसे आयोजन करे गीस। राष्ट्रीय पोषण महिना के तहत शिशु संरक्षण महिना ले संबंधित गतिविधि मन के आयोजन, आंगनबाड़ी केन्द्र अउ शाला मन म पौष्टिक आहार संबंधी नारा लेखन प्रतियोगिता के आयोजन के संगें संग पोरा तिहार के अवसर म स्थानीय पौष्टिक व्यंजन प्रदर्शन/वितरण अउ मातृ वंदना हफ्ता के समय संयुक्त गतिविधि मन के आयोजन करे गीस। दूसर हफ्ता म गर्भवती माता, बच्चा अउ किशोरी बालिका मन कोति ले योग के आयोजन, तीसर हफ्ता म हितग्राही मन ल पोषण किट अउ आईईसी सामान के वितरण अउ चंउथईया हफ्ता म गंभीर कुपोषित लइका मन के चिन्हांकन करके पौष्टिक पोषण आहार वितरण करे जाना हे। येकर बर आन विभाग मन ले समन्वय स्थापित करके थीम मुताबिक गतिविधि मन के आयोजन कोविड-19 संबंधित दिशा-निर्देश के पालन करत करे जात हे।