सरगुजा जिला के ग्राम पंचायत नागम अउ धमतरी जआ के ग्राम सांकरा ल करे गईस सम्मानित
नागम ल गरीबी उन्मूलन अउ आजीविका संवर्धन अउ सांकरा ल स्वस्थ पंचायत थीम ब पुरस्कृत करे गईस
छत्तीसगढ़ ह ओ एक्का दुक्का राज्य मन म हावय जेन ल एक ले जादा पुरस्कार मिलिस
रायपुर, नेहा राठौर के खबर/ छत्तीसगढ़ के दू ठ पंचायत ल राष्ट्रीय पंचायत पुरस्कार ले सम्मानित करे गईस हे। राष्ट्रपति श्रीमती द्रौपदी मुर्मू के अध्यक्षता म नई दिल्ली म आयोजित कार्यक्रम म सरगुजा जिला के जनपद पंचायत लुन्ड्रा के ग्राम पंचायत नागम अउ धमतरी जिला के नगरी पंचायत के गांव सांकरा ल पुरस्कृत करे गईस हे। ग्राम पंचायत नागम ल गरीबी उन्मूलन अउ आजीविका संवर्धन श्रेणी म अउ सांकरा ल स्वस्थ पंचायत थीम म पुरस्कृत करे गईस हे। दूनों ग्राम पंचायत ल पुरस्कार के संग म 50-50 लाख रूपिया घलो दिए गईस हे।
मुख्यमंत्री श्री भूपेश बघेल अउ पंचायत एवं ग्रामीण विकास मंत्री श्री रविंद्र चौबे ह ए उपलब्धि ब अपन खुसी देखावत जम्मो प्रदेशवासि मन सुभकामना दिस हे । ए ह अबड़ खुसी के बात हे कि पूरा देश म आने आने क्षेत्र म बढ़िया काम करे ब 43 ग्राम पंचायत पुरस्कार दिये गइस हे जेन म छत्तीसगढ़ ह अइसे सूची म आइस हे जेन राज्य ल आज एक ले जादा पुरस्कार मिलिस।
