रायपुर, मुख्यमंत्री श्री भूपेश बघेल ह राष्ट्रकवि मैथिलीशरण गुप्त के 3 अगस्त के जयंती म ओ मन ल नमन करे हें। श्री बघेल ह उंखर कृति मन के सुरता करत कहिन कि गुप्त जी के काव्य जन-जागरण अऊ नैतिक चेतना ले ओतप्रोत रहिस। राष्ट्रीय अऊ सामाजिक चेतना ले ओतप्रोत खड़ी बोली के उंखर रचना मन ह बड़का वर्ग म प्रभाव डारिस। स्वतंत्रता संग्राम के समय उंखर रचना मन के प्रभाव ल देखत राष्ट्रपिता महात्मा गांधी ह ओ मन ल राष्ट्रकवि के उपाधि देहे रहिस। गुप्त जी ल ऊंखर कालजयी साहित्य बर पद्मभूषण संग कई पुरस्कार ले नवाजे गीस। मुख्यमंत्री ह कहिन कि गुप्त जी के रचना भारतीय सहित्य के अमूल्य धरोहर हे, जेन कई पीढ़ी ल प्रेरित करत रइही।
मुख्यमंत्री ह राष्ट्रकवि मैथिलीशरण गुप्त के जयंती म ओ मन ल करिन नमन
