वर्ष 2047 तक भारत ल विकसित राष्ट्र बनाए के राष्ट्रीय संकल्प म छत्तीसगढ़ के भूमिका महत्वपूर्ण: मुख्यमंत्री श्री विष्णुदेव साय

सनातन परंपरा के निरंतरता म रजक समाज के भूमिका बहुत महत्वपूर्ण: मुख्यमंत्री
रायपुर, शिक्षा ही वो साधन हे, जेखर माध्यम ले मनखे अपन लक्ष्य ल प्राप्त कर सकथे अऊ अपन सपना ल साकार कर सकथे। शिक्षा ले ही रोजगार के अवसर सृजित होथे। व्यक्तिगत अऊ सामाजिक विकास बर शिक्षा जरूरी हे। ‘सबका साथ, सबका विकास, सबका विश्वास’ हमर सरकार के मूल मंत्र हे। 2047 तक भारत ल विकसित राष्ट्र बनाए के राष्ट्रीय संकल्प म छत्तीसगढ़ के महत्वपूर्ण भूमिका तय हे। हमन राष्ट्रीय विजन के अनुरूप छत्तीसगढ़ विजन डॉक्यूमेंट घलो जारी करे हन, अऊ एखर हर बिंदु ल धरातल म उतारे के दिशा म सरलग काम करे जात हे। मुख्यमंत्री श्री साय ह संत गाडगे महाराज के पूजा-अर्चना करके राज्य स्तरीय गाडगे सम्मेलन के शुभारंभ करिन अऊ सम्मेलन म रजक समाज के प्रतिभाशाली छात्र-छात्रा, प्रबुद्धजन अऊ समाजसेवी मन ल शाल अउ श्रीफल देके सम्मानित करिन। मुख्यमंत्री श्री साय ह अपन उद्बोधन म कहिन के रजक समाज के सामाजिक समरसता अऊ सेवा भाव हरदम अनुकरणीय रहे हे छत्तीसगढ़ के हर गांव म ए समाज के उपस्थिति हे, अऊ बिहाव-विवाह, छट्ठी समेत अन सनातन परंपरा एमन के सहयोग के बिगर पूरा नइ हो सकय। एमन के पुश्तैनी व्यवसाय के सशक्तिकरण बर राज्य सरकार ह रजककार विकास बोर्ड के गठन करे हे, जेखर माध्यम ले एमन ल किफायती दर म ऋण सुविधा प्रदान करे जाही।
उमन कहिन के राज्य सरकार समाज के युवा मन ल उन्नति के नवा आयाम तक पहुंचाए खातिर पूरा प्रतिबद्ध हे। मुख्यमंत्री श्री साय ह कहिन के राज्य सरकार ह सुशासन अउ अभिसरण विभाग के गठन भ्रष्टाचार ल नियंत्रित करे अउ सुशासन ल स्थापित करे बर करे हे। आज अधिकाधिक सेवा मन ल आनलाइन मोड म संचालित करे जात हे, जेखर से पारदर्शिता बाढ़े हे अऊ भ्रष्टाचार के गुंजाइश खतम हो गे हे। मुख्यमंत्री श्री साय ह कहिन के हमर सरकार ह प्रधानमंत्री श्री नरेन्द्र मोदी जी के हर गारंटी ल प्रतिबद्धता के संग पूरा करत हे। हमन ह 3100 रूपिया प्रति क्विंटल के दर ले धान खरीदे हन। माता वंदन योजना के तहत 70 लाख महिला मन ल हर महिना एक-एक हजार रूपिया देवत हन।
मुख्यमंत्री श्री साय ह कहिन के नवा औद्योगिक नीति के माध्यम ले महिला, अनुसूचित जाति, जनजाति अऊ दिव्यांगजन मन ल रोजगार अऊ उद्योग स्थापित करे बर विशेष प्राथमिकता देहे जात हे। नवा उद्योग नीति ले आकर्षित होके बीते छै ले आठ महीना म लगभग साढ़े छै लाख करोड़ रूपिया के निवेश प्रस्ताव मिले हे।
राज्य सरकार ह युवा मन बर सरकारी नौकरी के अवसर सृजित करे हे। डेढ़ बछर म लगभग 10 हजार सरकारी नौकरी देहे गए हे। मुख्यमंत्री श्री साय ह अपन संबोधन म पूर्व प्रधानमंत्री स्वर्गीय श्री अटल बिहारी वाजपेयी ल सुरता करत कहिन के उंखर प्रयास ले हमन ल अलग छत्तीसगढ़ राज्य मिलिस। रमन सिंह के 15 बछर के कार्यकाल के उल्लेख करत मुख्यमंत्री ह कहिन के उंखर प्रयास ले राज्य ल भुखमरी के समस्या ले मुक्ति मिलिस अऊ जनकल्याणकारी योजना मन के विस्तार होइस।
सम्मेलन के अध्यक्षता रजककार विकास बोर्ड के अध्यक्ष श्री प्रह्लाद रजक ह करिन। कार्यक्रम के संचालन सुप्रसिद्ध लोकगायिका श्रीमती रजनी रजक ह करिन। कार्यक्रम म विधायक श्री अमर अग्रवाल, श्री धरमलाल कौशिक, श्री धर्मजीत सिंह, श्री सुशांत शुक्ला, क्रेडा अध्यक्ष श्री भूपेन्द्र सवन्नी समेत अन्य गणमान्य नागरिक उपस्थित रहिन।