सुकमा, 28 अगस्त 2024। राष्ट्रीय ग्रामीण आजीविका मिशन के तहत् जिला मुख्यालय सुकमा ले लगभग 12 किलो मीटर के दूरी म ग्राम पंचायत केरलापाल म बिहान योजना के शेरावाली माँ स्व-सहायता समूह के 10 दीदी मन ल बाज़ार टैक्स वसूली, साफ़-सफ़ाई, एवं देखरेख करे बर पंचायत कोति ले जिम्मेदारी सौंपे गए हे। दीदी मन परिक्रामी निधि, सामुदायिक निवेश कोश अऊ बैंक लिंकेज होए के बाद कई ठन व्यक्तिगत आजीविका गतिविधि मन के संचालन करत हें। ग्राम पंचायत केरलापाल म ग्राम सभा ले प्रस्ताव पास होए म समूह के दीदी मन अब बाज़ार टैक्स वसूली के काम घलोक करत हें। शेरावाली माँ समूह के अध्यक्ष लक्ष्मीदेवनाथ अऊ सचिव ज्योत्सना रॉय ह बताइस के अब हम अकतहा आय पाए म सक्षम होवत हन अऊ हमर आत्मविश्वास म घलोक उत्तरोत्तर वृद्धि होवत हे। कलेक्टर के निर्देशन अउ जिला सीईओ के मार्गदर्शन म जिला म स्व-सहायता समूह के दीदी मन उन्नति के राह म अग्रसर होवत हे।
समूह के दीदी मन ह बताइन के ग्रामीण आजीविका मिशन ले जुड़के आर्थिक स्वावलंबन के रद्दा म आगू बढ़त हन। कई ठन आजीविका मूलक गतिविधि मन ल सीखे अउ काम करे के मौका मिलत हे। आर्थिक रूप ले सक्षम होए म अब हम घर के जरूरत ल पूरा करे म अपन योगदान देवत हन।