बिहान योजना के महिला समूह ल अपन व्यवसाय जमाए 55 लाख 50 हजार रुपिया के करजा होइस पास

राष्ट्रीय ग्रामीण आजीविका मिशन बिहान योजना अउ इंडियन ओवरसीज बैंक शाखा कवर्धा के संघरा उदीम ले ग्रामीण महिला मन बनहीं उद्यमी
ग्रामीण महिला मन ल आत्मनिर्भर बनाए के दिशा म महत्वपूर्ण कदम
Kardham, राष्ट्रीय ग्रामीण आजीविका मिशन बिहान योजना अउ इंडियन ओवरसीज़ बैंक शाखा कवर्धा के संग ग्राम पंचायत भागुटोला म लोन कैम्प के आयोजन कलेक्टर श्री गोपाल वर्मा अऊ मुख्य कार्यपालन अधिकारी जिला पंचायत श्री अजय कुमार त्रिपाठी के मार्गदर्शन म काली आयोजित करे गीस। कैम्प म विकासखंड स लोहारा अउ कवर्धा के स्व सहायता समूह के सदस्य मन ल लखपति परियोजना के तहत कुल 20 सदस्य मन ल 15 लाख रुपिया के व्यक्तिगत ऋण स्वीकृत करे गीस। एखर संगेच 14 स्व सहायता समूह ल 40 लाख 50 हज़ार रुपिया के अकतहा ऋण बांटे गीस। बरजा बांटे के समय परियोजना अधिकारी श्री विनोद अहीरवार, लेखा अधिकारी श्री भानु प्रताप नेताम अउ ज़िला कार्यक्रम प्रबंधक एनआरएलएम श्री जय कैवर्त्य प्रमुख रूप ले उपस्थित रहिन। ए बेरा म स्व सहायता समूह के सदस्य मन ल जादा ले जादा आजीविका गतिविधि के संचालन करत परिवार के आर्थिक स्थिति म सुधार के संग आजीविका संवर्धन अउ ग्रामीण अर्थव्यवस्था ल मजबूती देहे बर महिला समूह के सदस्य मन ल प्रेरित करे गीस। लोन कैंप के समय कुल 55 लाख 50 हजार रुपिया के ऋण ग्रामीण महिला मन ल वितरित करे गीस।