गोठान मन ल मल्टी एक्टीविटी गोठान बनाए खातिर देहे गीस प्रशिक्षण
कोण्डागांव, राष्ट्रीय ग्रामीण आजीविका मिशन बिहान ह गोठान मन ल मल्टी एक्टीविटी सेंटर अऊ ग्रामीण औद्योगिक पार्क के रूप म विकसित करे अऊ एखर से गांव मन के अर्थव्यवस्था ल सुदृढ़ करे के उद्देश्य ले 25 समूह मन के महिला मन ल क्षमतावर्धन कार्यक्रम के तहत् क्षेत्रीय भ्रमण कराए गीस। एखर तहत् ए महिला मन ल जिला के मल्टी एक्टीविटी गोठान मन म कई गतिविधि मन के संचालन अऊ ऊंखर विपणन के संबंध म जानकारी देवत ओ मन ल ए गतिविधि मन ल अपन गांव के गोठान मन म संचालित करे बर जरूरी प्रशिक्षण देहे गीस संगेच ए सफल गोठान मन के संचालन के तरीका मन के संबंध म घलोक विस्तृत रूप ले जानकारी देहे गीस। एखर तहत् ए महिला मन ल मुरनार, कोंगेरा, बोलबोला, कनेरा आदि गोठान मन के भ्रमण कराए गीस। जेमां ओ मन ल डेयरी, सब्जी उत्पादन, मशरूम उत्पादन, मुर्गीपालन, बटेर पालन, सुकर पालन, बकरी पालन आदि के जानकारी देहे गीस।