पूरा छत्तीसगढ़ राष्ट्रीय आदिवासी नृत्य महोत्सव म आवत कलाकार मन के स्वागत बर तियार

मुख्यमंत्री ह प्रदेशवासी मन ल दीन नेवता
मुख्यमंत्री ह कहिन कि जादा ले जादा संख्या म उपस्थित होके कलाकार मन के उत्साहवर्धन करव

रायपुर, मुख्यमंत्री श्री भूपेश बघेल ह कहे हें कि पूरा देश म पहली पइत छत्तीसगढ़ के राजधानी रायपुर म 27 दिसंबर ले राष्ट्रीय आदिवासी नृत्य महोत्सव के आयोजन करे जात हे। तैयारी पूरा हो गे हे। राज्य अऊ कई ठन देश मन ले कलाकार मन के आना जारी हे। ये महोत्सव म सामिल होए बर आवत कलाकार मन के हम हार्दिक अभिनंदन करत हवन। राजधानी रायपुर कलाकार मन के छत्तीसगढ़ के धरती म स्वागत बर सज-धज कर तियार हे। मुख्यमंत्री ह जम्मो प्रदेशवासी मन ला राष्ट्रीय आदिवासी नृत्य महोत्सव म सामिल होय बर नेवता देहे हावयं।