संस्कृति मंत्री श्री भगत ह राष्ट्रीय आदिवासी नृत्य महोत्सव आयोजन स्थल के तियारी मन के लीन जायजा

रायपुर, संस्कृति मंत्री श्री अमरजीत भगत आज मंझनिया राजधानी रायपुर के साइंस कॉलेज मैदान म राष्ट्रीय आदिवासी नृत्य महोत्सव बर तियार होवत मुख्य मंच अऊ शासकीय विभाग मन के स्टाल मन के संग आन व्यवस्था मन के तियारी के जायजा लीन। उमन मुख्य समारोह स्थल के संगें-संग विभागीय स्टाल मन म बिजली-पानी, साज-सज्जा संग आगंतुक मन के आए-जाए के व्यवस्था, सुरक्षा व्यवस्था संग सबो जरूरी पहलु मन के बारीकी ले निरीक्षण करके अधिकारी मन ल जरूरी निर्देश दीन। उमन कहिन कि 28 अकटूबर ले 30 अकटूबर तक आकर्षक राष्ट्रीय आदिवासी नृत्य महोत्सव के आयोजन होना हे। ये संबंध म सबो जरूरी तैयारी पूरा कर ले जाए। एखर अलावा एक नवम्बर के 21वां राज्य स्थापना दिवस म राज्य अलंकरण समारोह के घलोक आयोजन होना हे। ये दृष्टिकोण ले सबो जरूरी व्यवस्था ठउका करे जाय। मंत्री श्री भगत ह पार्किंग व्यवस्था, चिकित्सा सुविधा केंद्र, पुलिस नियंत्रण कक्ष संग सबो जरूरी तैयारी मन ल पूरा करे के हुकुम अधिकारी मन ल दीन। ये मौका म जनप्रतिनिधिगण संग संस्कृति विभाग के संचालक श्री विवेक आचार्य अउ संबंधित विभाग मन के अधिकारी उपस्थित रहिन।