रायपुर, मुख्यमंत्री श्री भूपेश बघेल ह काली संझा अपन निवास कार्यालय म भारतीय डाक विभाग, छत्तीसगढ़ परिमंडल कोति ले माई स्टेम्प योजना के तहत राष्ट्रीय आदिवासी नृत्य महोत्सव अऊ राज्योत्सव उपर डाक टिकट अऊ विशेष आवरण के विमोचन करिस। ये वाले डाक टिकट देश के सबो बड़े डाक घर के काउंटर मन म उपलब्ध होही। ये डाक टिकट के संग्रहण करइया मन बर उपयोगी होही।
ये बेरा म संस्कृति मंत्री श्री अमरजीत भगत, पर्यटन मंत्री श्री ताम्रध्वज साहू, संसदीय सचिव श्री चन्द्रदेव राय, छत्तीसगढ़ राज्य गृह निर्माण मंडल के अध्यक्ष श्री कुलदीप जुनेजा, संस्कृति विभाग के सचिव श्री अन्बलगन पी., संस्कृति विभाग के संचालक श्री विवेक आचार्य, छत्तीसगढ़ के पोस्ट मास्टर जनरल श्री आर.के. जायभाय, सीनियर सुपरिंटेंडेंट पोस्ट श्री जी.एल. जांगड़े घलोक उपस्थित रहिन। श्री अन्बलगन ह बताइस के राष्ट्रीय आदिवासी नृत्य महोत्सव के आमंत्रण सबो राज्य के मुख्यमंत्री, केन्द्र शासित प्रदेश के उप राज्यपाल अऊ जनजातीय कलाकार मन ल भेजे गए हे। पोस्ट मास्टर जनरल श्री आर.के. जायभाय ह बताइस के आज जारी करे गए विशेष आवरण छत्तीसगढ़ राज्य के 21वां स्थापना दिवस अऊ ये दौरान 28, 29 अऊ 30 अकटूबर 2021 के छत्तीसगढ़ के राजधानी रायपुर म आयोजित होवइया दूसर राष्ट्रीय आदिवासी नृत्य महोत्सव के उपलक्ष्य म जारी करे जात हे। ये नृत्य महोत्सव म भारत के सबो राज्य अऊ केन्द्र शासित प्रदेश मन के जनजातीय कलाकार मन के कला अऊ संस्कृति के अपन समृद्ध विरासत के प्रदर्शन करे जाही।
मुख्यमंत्री ह डाक विभाग कोति ले राष्ट्रीय आदिवासी नृत्य महोत्सव अऊ राज्योत्सव उपर जारी डाक टिकट अऊ विशेष आवरण के विमोचन करिस
