खेल प्रतिभा मन ल निखारे खातिर आयोजित करे जाही खेल महोत्सव
मुख्यमंत्री श्री बघेल ह नेशनल ट्राइबल डांस फेस्टिवल अऊ खेल महोत्सव के आयोजन के संबंध म लीन बैठक
रायपुर, जनजातीय अऊ लोक नृत्य मन ल राष्ट्रीय स्तर के मंच प्रदान करे अऊ छत्तीसगढ़ के पर्यटन ल बढ़ावा देहे राजधानी रायपुर म पहली पईत नेशनल ट्राइबल डांस फेस्टिवल के आयोजन करे जाही। अइसनहे छत्तीसगढ़ के खेल प्रतिभा मन विशेषकर ग्रामीण क्षेत्र मन म लुकाए प्रतिभा मन ल निखारे बर राज्य म खेल महोत्सव के आयोजन करे जाही। मुख्यमंत्री श्री भूपेश बघेल ह आज इहां अपन निवास कार्यालय म राज्य म नेशनल ट्राइबल डांस फेस्टिवल अऊ खेल महोत्सव के आयोजन के संबंध म बैठक लीन अऊ तैयारी मन के संबंध म अधिकारी मन ल लउहे समय-सारणी तय करके ब्लाक अऊ जिला स्तर म प्रतियोगिता आयोजित कराए के निर्देश दीन। नेशनल ट्राइबल डांस फेस्टिवल के फायनल प्रतियोगिता अवइया 28 अऊ 29 दिसंबर के दिन राजधानी रायपुर के साईंस कॉलेज मैदान म आयोजित होही, उन्हें खेल महोत्सव के राज्य स्तरीय स्पर्धा राजधानी रायपुर के कई ठन खेल मैदान मनम आयोजित होही अऊ समापन कार्यक्रम स्वामी विवेकानंद जी के जयंती 12 जनवरी के दिन आयोजित होही।
मुख्यमंत्री श्री बघेल ह कहिन कि छत्तीसगढ़ जनजाति बाहुल्य राज्य हे, इहां के संस्कृति अऊ कला के अपन एक विशिष्ट पहिचान हे। इहां पंथी, करमा, सुआ, राउत नाचा संग अलग-अलग क्षेत्र मन म अलग-अलग जनजातीय अऊ लोक नृत्य प्रचलित हे जऊन कई ठन अवसर म करे जाथे। ए नृत्य मन ल राष्ट्रीय स्तर म मंच प्रदान करे बर राजधानी रायपुर म पहली पइत ‘नेशनल ट्राइबल डांस फेस्टिवल छत्तीसगढ़-2019’ के आयोजन करे जाही। ये आयोजन म प्रदेश के लोक कलाकार अऊ नर्तक दल मन के संगेच देश के कई ठन जनजातीय बाहुल्य राज्य मन के लोक कलाकार अऊ नर्तक दल हिस्सा लेहीं। ये आयोजन म अंतर्राष्ट्रीय स्तर के लोकनर्तक दल मन ल घलोक आमंत्रित करे जाही। डांस फेस्टिवल के टीवी चैनल अऊ सोशल मीडिया म लाइव प्रसारण करे जाही ताकि विजेता मन के निर्णय एसएमएम के माध्यम ले पब्लिक वोटिंग अऊ देश के ख्याति प्राप्त निर्णायक मन कोति ले करे जाही।
लोक कलाकार मन के आए-जाए, भोजन अऊ ठहरे के व्यवस्था संस्कृति अऊ पर्यटन विभाग कोति ले करे जाही। छत्तीसगढ़ के पर्यटन, संस्कृति अऊ कला ल राष्ट्रीय अऊ अंतर्राष्ट्रीय स्तर म घलोक पहिचान मिल सकय, एखर बर जरूरी प्रचार-प्रसार के संग आयोजन स्थल म प्रदर्शनी घलोक लगाए जाही। देश के जनजाति बाहुल्य राज्य मन के मुख्यमंत्री मन ल आमंत्रित करे जाही संगेच अंतर्राष्ट्रीय स्तर म घलोक अतिथि मन ल आमंत्रित करबोन। ये मां सामिल लोक कलाकार मन ल छत्तीसगढ़ के पर्यटन स्थल मन म घुमाए जाही।
बैठक म गृह अऊ पर्यटन मंत्री श्री ताम्रध्वज साहू, कृषि अऊ जल संसाधन मंत्री श्री रविन्द्र चौबे, स्कूल शिक्षा अऊ आदिम जाति विकास मंत्री डॉ. प्रेमसाय सिंह टेकाम, खाद्य अऊ संस्कृति मंत्री श्री अमरजीत भगत, खेल अऊ युवा कल्याण मंत्री श्री उमेश पटेल, वन अऊ पर्यावरण मंत्री श्री मोहम्मद अकबर, मुख्य सचिव श्री सुनील कुजूर, मुख्यमंत्री के प्रमुख सचिव श्री गौरव द्विवेदी, प्रमुख सचिव श्रीमती रेणु जी. पिल्ले, सचिव आदिम जाति विकास श्री डी.डी. सिंह, संस्कृति विभाग के सचिव श्री सोनमणि बोरा, सचिव खेल अऊ युवा कल्याण श्री सिद्धार्थ कोमल सिंह परेदशी अऊ विशेष सचिव श्री अविनाश चंपावत संग आन अधिकारीगण उपस्थित रहिन।
मुख्यमंत्री ह कहिन कि नेशनल ट्राइबल डांस फेस्टिवल बर कई अवसर जइसे नवा फसल आए, विवाह आदि अवसर मन म आयोजित होवइया पारंपरिक लोकनृत्य मन के थीम म जिला अऊ राज्य स्तर म प्रतियोगिता आयोजित करे जाही। जिला स्तर म चुने गए दल राज्य स्तर म अपन कला के प्रदर्शन करही। राज्य स्तर म पहिली, दूसरी अऊ तीसरइया स्थान पाए दल मन ल आकर्षक पुरस्कार के संगेच संघरे जम्मो दल मन ल सांत्वना पुरस्कार अऊ प्रोत्साहन राशि प्रदान करे जाही। नेशनल ट्राइबल डांस फेस्टिवल के फायनल प्रतियोगिता अवइया 28 अऊ 29 दिसंबर के दिन राजधानी रायपुर के साईंस कॉलेज मैदान म आयोजित होही। एखर ले पहिली ये प्रतियोगिता मन प्रदेश के ब्लाक अऊ जिला स्तर म होही अऊ जिला स्तर म चुने गए दल राज्य स्तर म हिस्सा लेहीं।
अइसनहे खेल महोत्सव म प्रदेश के ब्लाक, कॉलेज, यूनिवर्सिटी अऊ जिला स्तर म कबड्डी, खो-खो, फुगड़ी संग कई ठन ग्रामीण खेल अऊ सांस्कृतिक प्रतियोगिता मन आयोजित करे जाही। ये मां सफल भाग लेवइया अगले स्तर के आयोजित खेल स्पर्धा मन म हिस्सा लेहीं। खेल महोत्सव के राज्य स्तरीय स्पर्धा राजधानी रायपुर के कई ठन खेल मैदान मन म आयोजित करे जाही अऊ समापन कार्यक्रम स्वामी विवेकानंद जी के जयंती 12 जनवरी के दिन आयोजित होही। खेल स्पर्धा म विजेता मन ल आकर्षक इनाम दिए जाही।
