- राजधानी रायपुर म 19 अपरेल ले तीन दिवसीय आयोजन
- देशभर के साहित्यकार, विद्वान, शोधार्थि मन के समागम
- पुस्तक मेला, कला अऊ चित्रकला अऊ आदिवासी नृत्य के घलोक होही आयोजन
रायपुर, राजधानी रायपुर म राष्ट्रीय जनजातीय साहित्य महोत्सव के आयोजन 19 अपरेल ले होवईया हे। ये तीन न के ये महोत्सव म देश भर के जनजातीय साहित्यकार संघरहीं। मुख्यमंत्री श्री भूपेश बघेल 19 अपरेल के राजधानी रायपुर के पंडित दीनदयाल ऑडीटोरियम म तीन दिन के राष्ट्रीय जनजातीय साहित्य महोत्सव के शुभारंभ करहीं।
आदिम जाति अऊ अनुसूचित जाति विकास मंत्री डॉ. प्रेमसाय सिंह टेकाम ह मीडिया ले चर्चा करत बताइन कि ये आयोजन देश भर म पारंपरिक अऊ समकालीन साहित्य ले परिचय अऊ आधुनिक संदर्भ म ऊंखर विकास के स्थिति के बारे म जाने के संगेच छत्तीसगढ़ राज्य म जनजातीय साहित्य के क्षेत्र म काम करत शोधार्थि, साहित्यकार, रचनाकार मन ल मंच प्रदान करके जनजातीय साहित्य के संरक्षण अऊ संवर्धन बर प्रेरित अऊ प्रोत्साहित करे के उद्देश्य ले करे जात हे। राष्ट्रीय जनजातीय साहित्य महोत्सव के संगें-संग राज्य स्तरीय कला अऊ चित्रकला अऊ आदिवासी नृत्य महोत्सव के आयोजन आदिम जाति अनुसंधान अऊ प्रशिक्षण संस्थान कोति ले करे जाही।